ଭୁବନେଶ୍ୱର, ୦୧/୧୨: ଭିଜିଲାନ୍ସ ପଞ୍ଝାରେ କନିଷ୍ଠ କିରାଣି । ଲାଞ୍ଚ ନେବା ବେଳେ ବାଲେଶ୍ୱର ଉପଜିଲ୍ଲାପାଳ (ବନ୍ଦୋବସ୍ତ)ଙ୍କ କାର୍ଯ୍ୟାଳୟର କନିଷ୍ଠ କିରାଣି ଧାରପଡ଼ିଛନ୍ତି । କନିଷ୍ଠ କିରାଣି ଲକ୍ଷ୍ମୀ ନାରାୟଣ ନାଥଙ୍କ ଠାରୁ ଲାଞ୍ଚ ନେଉଥିବା ୪ ହଜାର ଟଙ୍କା ଜବତ କରାଯାଇଛି ।
୭ ଦଫା ଦାବି ନେଇ ରେଙ୍ଗାଳି ବୁଡ଼ି କ୍ଷତିଗ୍ରସ୍ତ ପ୍ରଜାଙ୍କ ଜଳ ସତ୍ୟାଗ୍ରହ ଆନ୍ଦୋଳନ
ସୂଚନା ଅନୁସାରେ, ଜଣେ ଅଭିଯୋଗକାରୀଙ୍କୁ ସାର୍ଟିଫାଏଡ୍ କପି ଦେବା ଲାଗି କନିଷ୍ଠ କିରାଣି ଲାଞ୍ଚ ନେଉଥିଲେ । ଆବେଦନକାରୀଙ୍କ ପୈତୃତ ସମ୍ପତ୍ତିର ବନ୍ଦୋବସ୍ତ ପାଇଁ ୫ ହଜାର ଟଙ୍କା ମାଗିଥିଲେ କନିଷ୍ଠ କିରାଣି । ଆଜି ୪ ହଜାର ଟଙ୍କା ଲାଞ୍ଚ ନେବା ବେଳେ ଲକ୍ଷ୍ମୀ ନାରାଣଙ୍କୁ ଭିଜିଲାନ୍ସ ଟିମ୍ ଧରିବାରେ ସଫଳ ହୋଇଛି ।
କନିଷ୍ଠ କିରାଣି ଲକ୍ଷ୍ମୀ ନାରାୟଣ ଲାଞ୍ଚ ନେଇ ଧରା ପଡ଼ିବା ପରେ ବାଲେଶ୍ୱରରେ ଥିବା ତାଙ୍କ ୩ଟି ଠିକଣାରେ ଚଢ଼ାଉ ହୋଇଛି । ଆୟ ବହିର୍ଭୁତ ସମ୍ପତ୍ତିର ଖୋଳତାଡ଼ କରୁଛି ଭିଜିଲାନ୍ସ । ଏନେଇ ବାଲେଶ୍ୱର ଭିଜିଲାନ୍ସରେ ଏକ ମାମଲା ରୁଜୁ କରାଯାଇଖିବା ବେଳେ ଚଢ଼ାଉ ଜାରି ରହିଛି ।
ଘଟଗାଁ ଦୁର୍ଘଟଣାରେ ୮ ଜଣଙ୍କ ମୁତ୍ୟୁକୁ ନେଇ ଗଭୀର ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ, ଅନୁକମ୍ପା ସହାୟତା ଘୋଷଣା