ନବରଙ୍ଗପୁର/ଚନ୍ଦାହାଣ୍ଡି : ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକର ଚକାମାଲର ଦୁଇ ଜଣ ଯୁବକ ଏକ କଲରାପତରିଆ ବାଘ ଛାଲକୁ ଛତିଶଗଡ଼ରେ ବିକ୍ରି କରିବାକୁ ଚାଲାଣ କରୁଥିବାବେଳେ ଓଡିଶା-ଛତିଶଗଡ ସୀମାନ୍ତରେ ଛତିଶଗଡ଼ର ବନବିଭାଗ ଚଢଉ କରି ସେମାନଙ୍କଠାରୁ ବାଘ ଛାଲକୁ ଜବତ କରିବା ସହ ୩ଜଣ ଗିରଫ କରିଛି । ସେମାନେ ହେଲେ ଚକାମାଲ ଗାଁ ର କାର୍ତ୍ତିକ ଗୈଡ( ୪୫), ଗୌରାଙ୍ଗ ଗୌଡ଼ (୨୩), ଉପେନ୍ଦ୍ର ହଂସ (୨୫) ।
ଏ ନେଇ ବନ୍ୟପ୍ରାଣୀ ସଂରକ୍ଷଣ ଆଇନ ଅନୁଯାୟୀ ଗିରଫ କରି କୋର୍ଟ ଚାଲାଣ କରିଥିବା ଛତିଶଗଡ଼ ଉଦନ୍ତୀସୀତା ନଦୀର ମୁଖ୍ୟବନ ସଂରକ୍ଷକ ସୁଧିର ଅଗ୍ରୱାଲ ଓ ମୁଖ୍ୟବଣ୍ୟ ପ୍ରାଣୀ ସଂରକ୍ଷକ ଏମ.ବନସିବେଲା ଗଣମାଧ୍ୟମକୁ ସୂଚନା ଦେଇଛନ୍ତି । ତେଵେ ଜବତ କଲରାପତରିଆ ବାଘ ଛତିଶଗଡ଼ ନାଁ ଓଡ଼ିଶାର ତାହା ସ୍ପଷ୍ଟ ହୋଇନଥିବାବେଳେ ବନବିଭାଗ ତଦନ୍ତ ଜାରୀ ରଖିଥିବା କହିଛି ।
ସୂଚନାଯୋଗ୍ୟ, ଗତ ୨୭ତାରିଖରେ ଦୁଇ ଜଣ ଅଭିଯୁକ୍ତ ବାଘ ଛାଲକୁ ୧ଲକ୍ଷ ଟଙ୍କାରେ ଛତିଶଗଡ଼ରେ ବିକ୍ରି କରିବାକୁ ଯୋଜନା କରି ଚାଲାଣ କରୁଥିବାବେଳେ ଛତିଶଗଡ଼ ବନ ବିଭାଗ କୌଣସି ସୂତ୍ରରୁ ଖବରପାଇ ଓଡ଼ିଶାର ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକର ସୀମାନ୍ତ ଗାଁ କୋଈଲିମୁଣ୍ଡା ଗାଁଠାରୁ ମାତ୍ର ୨କିଲୋମିଟର ଦୂର ଛତିଶଗଡ଼ର ବିରିଘାଟ ଗାଁ ନିକଟରୁ ଦୁଇ ଜଣଙ୍କୁ ବାଘ ଛାଲ ଜବତ କରିବା ସହିତ ଗିରଫ କରିବାରେ ସଫଳ ହୋଇଥିଲା ।