ଥିରୁଅନନ୍ତପୁରମ୍‌, ୧୨/୦୯: ଏକାନ୍ତରେ ନିଜ ଫୋନ୍‌ରେ ଅଶ୍ଳୀଳ ଭିଡିଓ(ପର୍ଣ୍ଣ) ଦେଖିବା ଅପରାଧ କି ନୁହେଁ ? ସେନେଇ ଏକ ମାମଲାରେ ଗୁରୁତ୍ବପୂର୍ଣ୍ଣ ଟିପ୍ପଣୀ କରିଛନ୍ତି କେରଳ ହାଇକୋର୍ଟ । ରାସ୍ତାକଡ଼ରେ ଛିଡ଼ା ହୋଇ ମୋବାଇଲ୍‌ରେ ପର୍ଣ୍ଣ ଦେଖୁଥିବା ଜଣେ ବ୍ୟକ୍ତିଙ୍କୁ ପୋଲିସ ଗିରଫ କରିଥିଲା । ଏନେଇ ମାମଲା କୋର୍ଟରେ ପହଞ୍ଚିଥିଲା । ପରେ ଏହି ମାମଲାରେ ଶୁଣାଣି କରି କେରଳ ହାଇକୋର୍ଟ ପର୍ଣ୍ଣୋଗ୍ରାଫି ଉପରେ ଗୁରୁତ୍ବପୂର୍ଣ୍ଣ ରାୟ ଦେଇଛନ୍ତି । 

ପେଟରେ ଏସିଡିଟି କମାଇବାରେ ରାମବାଣ ହୋଇପାରେ ହଳଦୀ, ମେଡିକାଲ୍‌ ଜର୍ଣ୍ଣାଲରେ ପ୍ରକାଶିତ ରିପୋର୍ଟକୁ ନେଇ ଚର୍ଚ୍ଚା

କୋର୍ଟ କହିଛନ୍ତି ଯେ, ଏକାନ୍ତରେ କାହାକୁ ହଇରାଣ ନକରି ନିଜ ଫୋନ୍‌ରେ ପର୍ଣ୍ଣ ଦେଖିବା ଅପରାଧ ନୁହେଁ । ଆଇପିସି ଧାରା ୨୯୨ରେ ଏହା ଅପରାଧ ନୁହେଁ ବୋଲି ଖଣ୍ଡପୀଠ କହିଛନ୍ତି । ସଂପୃକ୍ତ ବ୍ୟକ୍ତିଙ୍କ ବିରୋଧରେ ଲାଗିଥିବା ମାମଲା ଖାରଜ କରିଦେଇଛନ୍ତି କୋର୍ଟ । ଜଣେ ନାଗରିକଙ୍କର ଏହା ବ୍ୟକ୍ତିଗତ ବିଚାରଧାରା ଏବଂ ଜଣେ ବ୍ୟକ୍ତିଙ୍କ ଗୋପନୀୟତାରେ ଦଖଲ ଦେଇ ହେବନାହିଁ ବୋଲି ଜଷ୍ଟିସ ପିଭି କୁହ୍ନିକ୍ରିଷ୍ଣା କହିଛନ୍ତି । 

ତେବେ ଧାରା ୨୯୨ ଅନୁସାରେ ଅଶ୍ଳୀଳ ବହି କିମ୍ବା ଭଡିଓ ବାଣ୍ଟିବା, ବିକ୍ରି କରବା କିମ୍ବା ଦେଖିବା ଅପରାଧ । ଅନ୍ୟପକ୍ଷରେ ଛୋଟପିଲାମାନଙ୍କୁ ମୋବାଇଲ ଫୋନ୍‌ ଦେବା ବେଳେ ବାପା ମା ସତର୍କ ହେବା ଜରୁରୀ ବୋଲି କୋର୍ଟ କହିଛନ୍ତି । କାରଣ ଇଣ୍ଟରନେଟ ସଂଯୋଗ ଥିବା ଫୋନ୍‌ରେ ପର୍ଣ୍ଣୋଗ୍ରାଫି୍‌ ମିଳିଯାଉଥିବାରୁ ଏଥିପ୍ରତି ଅଭିଭାବକ ସଜାଗ ହେବା ଦରକାର ବୋଲି ଖଣ୍ଡପୀଠ ନିଜ ରାୟରେ କହିଛନ୍ତି ।  

You can also read: ଆଫଗାନିସ୍ତାନକୁ ୫୦ ହଜାର ମେଟ୍ରିକ୍ ଟନ୍ ଶସ୍ୟ ଓ ୨ ଶହ ଟନ୍ ଔଷଧ ଯୋଗାଇଲା ଭାରତ, କହିଲା ଆମେ ଶାନ୍ତି ଚାହୁଁ…