ଢେଙ୍କାନାଳ ୦୩/୦୩: ରାସ୍ତା ପାର୍ କରୁଥିଲେ ଯୁବକ। ଦ୍ରୁତଗତିରେ ଆସି ଯୁବକଙ୍କୁ ଧକ୍କା ଦେଲା ତାଳଚେର ଏମ୍ଭିଆଇଙ୍କ ଗାଡ଼ି। ଗୁରୁତର ଅବସ୍ଥାରେ ଯୁବକଙ୍କୁ ଉଦ୍ଧାର କରାଯାଇ ପ୍ରଥମେ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ସ୍ବାସ୍ଥ୍ୟାବସ୍ଥା ବିଗିଡିବାରୁ ତୁରନ୍ତ କଟକ ସ୍ଥାନାନ୍ତରିତ କରାଯାଇଛି। ଏଭଳି ମର୍ମନ୍ତୁଦ ଦୁର୍ଘଟଣା ଏନ୍ଏଚ୍ ୫୩ ନମ୍ବର ବାରିହାରପୁର ଛକ ନିକଟରେ ଘଟିଛି। ଯାହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖା ଦେଇଛି।
ସୂଚନା ମୁତାବିକ, ତାଳଚେରରୁ ଭୁବନେଶ୍ୱର ଯାଉଥିଲେ ଏମ ଭିଆଇ। ବାରିହାରପୁର ଛକ ନିକଟରେ ଯୁବକ ଜଣକ ରାସ୍ତା ପାର୍ କରୁଥିବା ବେଳେ ହଠାତ୍ ଆସି ଧକ୍କା ଦେଇଥିଲେ। ଗୁରୁତର ଅବସ୍ଥାରେ ଯୁବକଙ୍କୁ ଉଦ୍ଧାର କରାଯାଇ ପ୍ରଥମେ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ସ୍ବାସ୍ଥ୍ୟାବସ୍ଥା ବିଗିଡିବାରୁ ତୁରନ୍ତ କଟକ ସ୍ଥାନାନ୍ତରିତ କରାଯାଇଛି। ଗୁରୁତର ଯୁବକ ବାରିହାପୁରର ନରେଶ ଚନ୍ଦ୍ର ନାୟକ ବୋଲି ଜଣାପଡିଛି। ଦୁର୍ଘଟଣା ସମ୍ପର୍କ ସ୍ଥାନୀୟ ପୋଲିସକୁ ମଧ୍ୟ ଖବର ଦିଆଯାଇଥିବା ଜଣାପଡିଛି।
