ପ୍ରମୁଖ ଖବର
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ତୀର୍ଥ ଯାତ୍ରା ପାଲଟିଲା ଅନ୍ତିମ ଯାତ୍ରା: ମର୍ମନ୍ତୁଦ ଦୁର୍ଘଟଣାରେ ୮ ମୃତ, ୧୨ ଗୁରୁତର

ସାନଖେମୁଣ୍ଡି, ୧।୧ ୨ (ଆପ୍ର):   ତୀର୍ଥ ଯାତ୍ରା ହେଲା ଶେଷ ଯାତ୍ରା।  ଶୁକ୍ରବାର ଭୋରୁ କେନ୍ଦୁଝର ଜିଲ୍ଲା ଘଟଗାଁ ଥାନା ଅନ୍ତର୍ଗତ ୨୦ ନମ୍ବର ଜାତୀୟ ରାଜପଥ ବାଲିଯୋଡି ଠାରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା। ଘଟଣା ସ୍ଥଳରେ ୮ ଜଣଙ୍କର ମୃତ ହୋଇଥିବା ବେଳେ୧୨ ଜଣ ଗୁରୁତର ଅବସ୍ଥାରେ ଘଟଗାଁ ଚିକିତ୍ସିତ ହେଉଛନ୍ତି। ମୃତକଙ୍କ ମଧ୍ୟରେ ଜଣେ ଶିଶୁ ରହିଛି।  ଗୁରୁତର ଆହତଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠା ଯାଇଥିବା ବେଳେ ଜଣଙ୍କ ଅବସ୍ଥା ଠିକ ଥିବା ଜଣାପଡିଛି।

ଉଲ୍ଳେଖନୀୟ ଯେ, ଦିଗପହଣ୍ଡି ଥାନା ବତାଗଡର ପାଟପୁର ଗ୍ରାମରୁ କିଛି ଲୋକ ଏକ ୱିଙ୍ଗରରେ ଘଟଗାଁ ଦର୍ଶନ ପାଇଁ ଆସୁଥିଲେ। ସେମାନେ ଦର୍ଶନ ସାରି ପୁରୀ ଦର୍ଶନ ପାଇଁ ମଧ୍ୟ କାର୍ଯ୍ୟକ୍ରମ ରହିଥିଲା । କିନ୍ତୁ ଭୋରୁ ଘଟଗାଁ ନିକଟସ୍ଥ ବାଲିଯୋଡ଼ି ନିକଟରେ ରାସ୍ତା ଉପରେ ଠିଆ ହୋଇଥିବା ଏକ ଆଇରନ ଟ୍ରକକୁ ପଛରୁ ଧକ୍କା ଦେଇଥିଲା ଏହି ୱୀଙ୍ଗର। ଫଳରେ ଘଟଣା ସ୍ଥଳରେ ସାତ ଜଣକ ମୃତ୍ୟୁ ହୋଇଥିବା ବେଳେ ବାକି ଗୁରୁତରଙ୍କୁ ଘଟଗାଁ ମେଡିକାଲରେ ଚିକିତ୍ସା ପାଇଁ ପଠାଯାଇଥିଲା।

ଏହି ସମସ୍ତେ  ଘଟଗାଁ ତାରିଣୀ ଦର୍ଶନ ପାଇଁ ଯାଉଥିଲେ। ସେଠାରୁ  ପୁରୀ ଯାଇଥାନ୍ତେ । ହେଲେ ତୀର୍ଥ ଯାତ୍ରା ପାଲଟିଗଲା ଅନ୍ତିମ ଯାତ୍ରା। ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ୍‌ ତଥା ପାଟପୁର ଥାନା ଅନ୍ତର୍ଗତ ପୋଡାମାରି ଗାଁ ଓ ବତାଗଡ ଗାଁରେ ଏବେ କାନ୍ଦବୋବାଳି ପଡ଼ି ଯାଇଛି। ଦୁଇଟି ପରିବାରର ୮ ଜଣଙ୍କ ଜୀବନ ଚାଲଯାଇଛି। ମୃତକ ହେଲେ ପୋଡାମାରି ଗାଁର ମାଆ ହାଡିଆଣୀ ପ୍ର ଧାନ (୫୦), ପୁଅ ଆକାଶ ପ୍ରଧାନ (୨ ୫) ଓ ବୋହୂ ଲିଲି ପ୍ରଧାନ (୨ ୨)।  ସେହିପରି ବତାଗଡ  ଗାଁର ବାପା ବାୟାଧନ ଗୌଡ (୬୦), ପୁଅ ମଦନ ଗୌଡ (୩୨), ନାତି ରୁଦ୍ର ଗୌଡ (୪), ବାୟାଧନଙ୍କ  ଝିଅ ପତିନୀ ଗୌତ (୩୫, ଘର ଦିଗପହଣ୍ଡି ନିକଟ ପାଳଝାଡି) ଏବଂ ବାୟାଧନଙ୍କ ଆଉ ଏକ ଝିଅର ସ୍ବାମୀ ବାବୁଲା ଗୌଡ ( ୪୦, ଦେଖାଳିଗାଁ)। 

ଗୁରୁବାର ରାତିରେ ପୋଡାମାରିରୁ ଏକ ଗାଡି (ଓଡି୦୭ଏଲ୍‌ ୦୯୭୫) ଯୋଗେ ମୋଟ ୧୯ ଜଣ ତୀର୍ଥ ଯାତ୍ରାରେ ବାହାରିଥିଲେ। ପ୍ରଧାନ ପରିବାର ଓ ଗୌଡ ପରିବାର ସଙ୍ଗାତ (ବନ୍ଧୁ ସମ୍ପର୍କୀୟ) ଅଟନ୍ତି। ହେଲେ  ଘଟଗାଁରେ ପହଞ୍ଚିବା ପୂର୍ବରୁ ଏଭଳି ଅଘଟଣ ଦୁଇ ପରିବାର ତଥା ଗ୍ରାମବାସୀଙ୍କ ପାଇଁ ଦୁଃଖଶୋକର ପାହାଡ ଆଣିଦେଇଛି। ଗାଁ ଏବେ କାନ୍ଦବୋବାଳିରେ ଫାଟି ପଡୁଛି। ପୋଡାମାରିର ମୃତକମାନେ ରାଜ୍ୟସଭା ସାଂସଦ ରେଣୁବାଳା ପ୍ରଧାନ ଓ  କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନଙ୍କ ସମ୍ପର୍କୀୟ ବୋଲି ଜଣାପଡିଛି। ସ୍ଥାନୀୟ ଆର୍‌ଆଇ, ସହକାରୀ ଆର୍‌ଆଇ ଗାଁକୁ ଯାଇ ପରିବାର ଲୋକଙ୍କ ବାବଦରେ ତଥ ସଂଗ୍ରହ କରିଛନ୍ତି। 

Also Read:-

ପୋଖରିରୁ ମିଳିଲା ୩ ଦିନ ହେବ ନିଖୋଜ ଥିବା ଯୁବକଙ୍କ ମୃତଦେହ

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.