ନୂଆପଡ଼ା, ୨।୧୨ : ନୂଆପଡ଼ା ଥାନା ସାରାବଙ୍ଗ ଗାଁରେ ଲାଗିଲା ମାଓ ପୋଷ୍ଟର ଓ ବ୍ୟାନର। ପିଏଲଜିଏ ସପ୍ତାହ ପାଳନ ପାଇଁ ମାଓବାଦୀମାନେ ଆହ୍ଵାନ କରିଛନ୍ତି। ମାଓ ବ୍ୟାନରକୁ ପୁଲିସ ଜବତ କରି ତଦନ୍ତ ଆରମ୍ଭ କରିଛି ।

ଶୂଚନାନୁଯାୟୀ, ଶନିବାର ସାରାବଙ୍ଗ ଗାଁ ମୁଣ୍ଡ ଶିବ ମନ୍ଦିର, ମାର୍କେଟ କମ୍ପ୍ଲେକ୍ସ, ମଦଭାଟି ଓ ବିଦ୍ୟୁତ ଖୁଣ୍ଟ ଭଳି ୪ ସ୍ଥାନରେ ମାଓ ବ୍ୟାନର ଲଗା ଯାଇଥିବା ଦେଖିବାକୁ ମିଳିଛି l ଏହି ମାଓ ପୋଷ୍ଟର ଭାରତୀୟ କମ୍ୟୁନିଷ୍ଟ ପାର୍ଟି ମାଓ କମିଟି ପକ୍ଷରୁ ମରା ଯାଇଥିବା ତଳେ ଉଲ୍ଲେଖ ରହିଛି l ଆଜି ଡିସେମ୍ବର ୨ ରୁ ୮ ତାରିଖ ଯାଏଁ ପିଏଲଜିଏ ସପ୍ତାହ ପାଳନ କାର୍ଯ୍ୟକ୍ରମରେ ସାମିଲ ହେବା ପାଇଁ ଜନସାଧାରଣଙ୍କୁ ଆହ୍ଵାନ କରାଯାଇଛି l ମାଓ ପୋଷ୍ଟର ଦେଖି ସ୍ଥାନୀୟ ଲୋକମାନେ ଭୟଭୀତ ହୋଇ ପଡ଼ିଥିବା ବେଳେ ଖବର ପାଇ ନୂଆପଡ଼ା ପୋଲିସ ଘଟଣାସ୍ଥଳରେ ପହଞ୍ଚି ମାଓ ପୋଷ୍ଟର ଓ ବ୍ୟାନର ଜବତ କରି ଘଟଣାର ତଦନ୍ତ କରୁଛି।