ତେନ୍ତୁଳିଖୁଣ୍ଟି, ୭।୧୧ ତେନ୍ତୁଳିଖୁଣ୍ଟି ବ୍ଳକର ଅଞ୍ଚଳଗୁମା ପଂଚାୟତର ବାଗନାଗୁଡା ଗ୍ରାମର ଜମ୍ବୁବତୀ ବିଷୋୟୀ  ୨୦୨୨ ଡିସେମ୍ବର ୩୧ ତାରିଖରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଚୟନ ହୋଇଥିଲେ। ୨୩।୫ ।୨୦୨୩  ତାରିଖ ରେ କାର୍ଯାଦେଶ ମିଳିଛି।  କାର୍ଯାଦେଶ ନମ୍ବର ହେଲା ଓଡି/୨୧/୧୦୦/୨୧-୨୨ ରହିଛି। ୨୦୨୩ ଜୁନ ୨୪ରେ  ତାଙ୍କ ମୋବାଇଲକୁ ମେସେଜ  ଆସିଲା ଯେ ତମ ଆକାଉଣ୍ଟକୁ ପ୍ରଥମ କିସ୍ତି ଅର୍ଥ ୪୦ ହଜାର  ଡିପୋଜିଟ ହେଲା । ମାତ୍ର ଆଜିକୁ ଛଅ ମାସ ବିତିଗଲା  ପ୍ରଥମ କିସ୍ତି ମିଳିପାରୁ ନାହିଁ। ବ୍ଲକ ଅଫିସକୁ ବାରମ୍ବାର ଆସି ଅଭିଯୋଗ କଲେ ବି କେହି ଶୁଣୁ ନ ଥିବା ସେ ଜମ୍ବୁବତୀ କହିଛନ୍ତି।  କେହି ଚଞ୍ଚକତା କରିଥିବା ସନ୍ଦେହ କରୁଛନ୍ତି।

 ବ୍ଲକ କାର୍ଯ୍ୟାଳୟ ର ପ୍ରଧାନମନ୍ତ୍ରୀ ଗ୍ରାମୀଣ  ଆବାସ ଯୋଜନା କାର୍ଯ୍ୟ ଦାୟିତ୍ୱ ରେ ଥିବା ଡିପିସି ଉମା ମହେଶ୍ୱରୀଙ୍କୁ ପଚାରିବାରୁ  ସେ କହିଲେ   ଉକ୍ତଗ୍ରାମରେ ଦୁଇ ଜଣ ଜମ୍ବୁବତୀ ରହି ଥିବା ରୁ ଏପରି ତ୍ରୁଟି ହୋଇଛି।  ଦୁଇ ଜଣ  ଘର ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି ।ଜମ୍ବୁବତୀ  ମଧ୍ୟ  ତାଙ୍କର  ପ୍ରାପ୍ୟ ପାଇବେ ବୋଲି କହିଛନ୍ତି। ଜମ୍ବୁବତୀ କହିଛନ୍ତି ମୋ ଘର କୁ ଯିଏ ବି ଚଞ୍ଚକତା କରିଛି ତାହାକୁ ଦଣ୍ଡିତ କରାଯାଉ ।