ନୂଆଦିଲ୍ଲୀ, ୦୭/୦୨: ଭାରତୀୟ ଦଳର ଷ୍ଟାର୍ ପେସ୍ ବୋଲର ମହମ୍ମଦ ସାମି ଏବେ ଆଘାତ କାରଣରୁ ଖେଳୁ ନାହାନ୍ତି । ଗୋଇଠିରେ ଆଘାତ କାରଣରୁ ଏବେ ମହମ୍ମଦ ସାମି ଇଂଲଣ୍ଡ ବିପକ୍ଷ ଘରୋଇ ଟେଷ୍ଟ ସିରିଜରୁ ବାଦ୍ ପଡ଼ିଛନ୍ତି । ତେବେ ଏସବୁ ଭିତରେ ସାମି କ୍ରିକେଟରୁ ସନ୍ୟାସ ନେବା ନେଇ ବଡ଼ ମନ୍ତବ୍ୟ ଦେଇଛନ୍ତି ।

ସାମି କହିଛନ୍ତି କେବେ ଠୁ ସେ କ୍ରିକେଟ ଠାରୁ ଦୂରେଇ ଯିବେ । ସେ କହିଛନ୍ତି, ମୋତେ ଯେଉଁ ଦିନ ଲାଗିବ କ୍ରିକେଟରୁ ମୋତେ ଖୁସି ମିଳୁ ନାହିଁ । ସେଦିନ ସକାଳୁ ଉଠିବା ପରେ ସନ୍ୟାସ ନେବା ନେଇ ଟ୍ୱିଟ୍ କରି ଦେବି । ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଏ ମନ୍ତବ୍ୟ ଦେଇଛନ୍ତି ସାମି ।

ନିକଟରେ ଖେଳା ଯାଇଥିବା ୨୦୨୩ ଦିନିକିଆ ବିଶ୍ୱକପରେ ସାମି ସର୍ବାଧିକ ୨୪ଟି ୱିକେଟ୍ ନେଇଥିଲେ । ଏହା ପରେ ତାଙ୍କ ଗୋଇଠିରେ ଆଘାତ ଲାଗିଥିଲା । ତେବେ ସାମି କେବେ ଆହତ ହେଲେ ଜଣା ପଡ଼ି ନାହିଁ । ବର୍ତ୍ତମାନ ଏହି ଆହାତ କାରଣରୁ ସାମି ଭାରତୀୟ କ୍ରିକେଟ୍ ଟିମରେ ନାହାନ୍ତି ।

ସାମି କହିଛନ୍ତି, କୌଣସି ଜିନିଷକୁ ବୋଝ ଭାବେ ବୋହିବାର ଆବଶ୍ୟକତା ନାହିଁ । ନା ମୋତେ କେହି ବୁଝାଇବା ଲାଗି ଅଛନ୍ତି । ନା ମୋ ପରିବାରରେ ମୋତେ କେହି କେବେ କହୁଛନ୍ତି । ଯେଉଁଦିନ ସକାଳେ ମୋତେ ଲାଗିବ ଗ୍ରାଉଣ୍ଡକୁ ଯିବିନି ତ କ୍ରିକେଟରୁ ସନ୍ୟାସ୍ ନେଇ ଟ୍ୱିଟ୍ କରି ଦେବି ।

ସାମିଙ୍କ ସନ୍ୟାସ୍ ଖବର ଚର୍ଚ୍ଚା ଭିତରେ ତାଙ୍କ ବାୟୋପିକ୍ ଆସୁଛି । ତେବେ ବାୟୋପିକରେ ସାମିଙ୍କ ଭୂମିକାରେ କିଏ ଆସିବେ ନଜର ? ତାର ଖୁଲାସା ହୋଇ ନାହିଁ । ତେବେ ଏହାର ଜବାବ ଦେଇ ସାମି କହିଛନ୍ତି, ହଁ ମୋର ବାୟୋପିକ୍ ଆସୁଛି । କୌଣସି ଅଭିନେତା ନ ହେଲେ କ୍ରିକେଟ୍ ଛାଡ଼ିବା ପରେ ନିଜେ ବାୟୋପିକରେ କାମ କରିବି ।