ନବରଙ୍ଗପୁର,୩୦/୧ : ବିଭିନ୍ନ ଦାବି ନେଇ ଆଜି ନବରଙ୍ଗପୁର ଜିଲ୍ଲା ବନ୍ଦ। ନବରଙ୍ଗପୁର ଜିଲ୍ଲାକୁ ରେଳପଥ ପାଇଁ ଜମି ଅଧିଗ୍ରହଣ, ଜିଲ୍ଲା ଭିତ୍ତିକ ନିଯୁକ୍ତି, ଉମରକୋଟକୁ ସବ୍ ଡିଭିଜନ ମାନ୍ୟତା, ଉମରକୋଟରେ ରକ୍ତଭଣ୍ଡାର ପ୍ରତିଷ୍ଠା, ନବଙ୍ଗପୁର ଓ ଉମରକୋଟ କଲେଜକୁ ସରକାରୀ ମାନ୍ୟତା ପ୍ରମୁଖ ପ୍ରସଙ୍ଗକୁ ନେଇ ବିଜେପି ଯୁବମୋର୍ଚ୍ଚା ପକ୍ଷରୁ ଜିଲ୍ଲା ବନ୍ଦ କରାଯାଇଛି। ସକାଳ ୬ଟାରୁ ଚକଅଖ ଓ ଦୋକାନ ବଜାର ବନ୍ଦ ରହିଛି। ଯୁବମୋର୍ଚ୍ଚା, ଵିଜେପି ନେତା ଓ କର୍ମୀମାନେ ୨୬ ନମ୍ବର ଜାତୀୟ ରାଜପଥକୁ ଅବରୋଧ କରିଛନ୍ତି। ଏଥିପାଇଁ ଯାନବାହାନ, ମାଲପରିବହନ ଚଳାଚଳ ବନ୍ଦ ରହିଥିବା ବେଳେ ଜାତୀୟ ରାଜପଥ ଦୁଇଟି ପାର୍ଶ୍ବରେ ଶତାଧିକ ଟ୍ରକ୍ ଅଟକି ରହିଛି। 

ଜିଲ୍ଲା ଯୁବମୋର୍ଚ୍ଚା ସଭାପତି ଶୁଭଜିତ ପାଣିଗ୍ରାହୀଙ୍କ ନେତୃତ୍ବରେ ସାଧାରଣ ସଂପାଦକ ଅନନ୍ତ ପଣ୍ଡା, ରାଜ୍ୟ ଯୁବମୋର୍ଚ୍ଚା କାର୍ଯ୍ୟକାରିଣୀ ସଦସ୍ୟ କାହ୍ନୁ ଦାସ, ଗୌରୀ ମାଝୀ, ମାନସ ତ୍ରିପାଠୀ, ଶ୍ରୀଧର ପାତ୍ର, ଏ.ଶତୀସ, ଦେଵଦାସ ମହାକୁଡ, ମୃତ୍ୟୁଞ୍ଜୟ ଦାସ, ମହିଳା ସଭାନେତ୍ରୀ ଶର୍ମାଷ୍ଠା ଦେଓଙ୍କ ସମେତ ବହୁତ ଵିଜେପି କର୍ମୀ ଆନ୍ଦୋଳନରେ ସାମିଲ ଅଛନ୍ତି।