ନୂଆଦିଲ୍ଲୀ: ଚଳଚ୍ଚିତ୍ର ‘ଲିଓ’ ଅଭିନେତ୍ରୀ ତ୍ରିଶା କ୍ରିଷ୍ଣନଙ୍କ ସଂପର୍କରେ ଅପମାନଜନକ ମନ୍ତବ୍ୟ ଦେବା ଅଭିଯୋଗରେ ଅଭିନେତା ମନସୁର ଅଲ୍ଲୀ ଖାନଙ୍କ ପାଇଁ ଅଡ଼ୁଆ ବଢ଼ିବାରେ ଲାଗିଛି । ମନସୁରଙ୍କ ମନ୍ତବ୍ୟକୁ ଅନେକ ସେଲିବ୍ରିଟି ନିନ୍ଦା କରିବା ସହ ସମାଲୋଚନା କରିଛନ୍ତି । ବର୍ତ୍ତମାନ ଏହି ମାମଲାରେ ହସ୍ତକ୍ଷେପ କରି ଜାତୀୟ ମହିଳା କମିଶନ (ଏନସିଡବ୍ଲୁ) ଚେନ୍ନାଇ ପୋଲିସକୁ ମନସୁର ଅଲ୍ଲୀ ଖାନଙ୍କ ବିରୋଧରେ ଇଲେକ୍ଟ୍ରୋନିକ ଯନ୍ତ୍ରାଂଶ ମାଧ୍ୟମରେ ଅପମାନଜନକ ମନ୍ତବ୍ୟ ଦେବା ଏବଂ ଅନ୍ୟ ଆଇନଗତ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି ।
The National Commission for Women is deeply concerned about the derogatory remarks made by actor Mansoor Ali Khan towards actress Trisha Krishna. We're taking suo motu in this matter directing the DGP to invoke IPC Section 509 B and other relevant laws.Such remarks normalize…
— NCW (@NCWIndia) November 20, 2023
ଅଭିନେତ୍ରୀ ତ୍ରିଶା କ୍ରିଷ୍ଣନଙ୍କ ପ୍ରତି ଅଭିନେତା ମନସୁର ଅଲ୍ଲୀ ଖାନଙ୍କ ଅପମାନଜନକ ମନ୍ତବ୍ୟକୁ ନେଇ ଜାତୀୟ ମହିଳା ଆୟୋଗ ଆଇପିସି ଧାରା ୫୦୯ B ଏବଂ ଅନ୍ୟାନ୍ୟ ଆନୁସଙ୍ଗିକ ଆଇନ ଅନୁଯାୟୀ ମାମଲା ରୁଜୁ କରିବାକୁ ତାମିଲନାଡୁ ଡିଜିପିଙ୍କୁ ନିର୍ଦ୍ଦେଶ ଦେଇଛନ୍ତି । ଏନେଇ NCWର ଟ୍ବିଟରେ ହାତ ଯୋଡିବା ଇମୋଜି ସହ ଏହାକୁ ସେୟାର କରିଛନ୍ତି ତ୍ରିଶା । ସୂଚନା ଅନୁସାରେ, ଚେନ୍ନାଇରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା । ଯେଉଁଥିରେ ମନସୁର ଅଲ୍ଲୀ ଫିଲ୍ମରେ ତ୍ରିଶା କ୍ରିଷ୍ଣନଙ୍କ ସହ ଦୁଷ୍କର୍ମ ସିନକୁ ନେଇ ଏକ ମନ୍ତବ୍ୟ ଦେଇଥିଲେ । ସେ କହିଥିଲେ ଯେ, ‘ଅଭିନେତ୍ରୀ ତ୍ରିଶାଙ୍କ ସହ ବେଡରୁମ ସିନ କରିବାକୁ ମୁଁ ଆଗ୍ରହୀ ଥିଲି । ହେଲେ ନିର୍ଦ୍ଦେଶକ ମୋତେ ଏହି ଭୂମିକା ନଦେଇ ଖଳନାୟକର ଭୂମିକା ଦେଲେ ।’
ଏହା ପରେ ଅଭିନେତାଙ୍କୁ ସମସ୍ତ ମହଲରୁ ସମାଲୋଚନାର ଶିକାର ହେବାକୁ ପଡ଼ିଛି । ଏନେଇ ତ୍ରିଶା ପ୍ରତିକ୍ରିୟା ପ୍ରକାଶ କରି ଘଟଣାକୁ ନିନ୍ଦା ଏବଂ ଲଜ୍ଜାଜନକ କହିବା ସହ ତାଙ୍କ ସହ ଆଉ ସ୍କ୍ରିନ୍ ସେୟାର କରିବେ ନାହିଁ ବୋଲି କହିଥିଲେ । ଏହି ଘଟଣା ପରେ ବର୍ତ୍ତମାନ ଏନସିଡବ୍ଲୁଙ୍କ ସମେତ ଲିଓ ନିର୍ଦ୍ଦେଶକ ଲୋକେଶ କନଗରାଜ ଏବଂ ଗାୟକ ଚିନ୍ମୟ ଶ୍ରୀପଡା, ଅଭିନେତା ତଥା ରାଜନେତା ଖୁସବୁ ସୁନ୍ଦର ଏବଂ ସାଉଥ ଭାରତୀୟ କଳାକାର ସଂଘ (SIAA) ତ୍ରିଶାଙ୍କୁ ସମର୍ଥନ କରିଛନ୍ତି ।
A recent video has come to my notice where Mr.Mansoor Ali Khan has spoken about me in a vile and disgusting manner.I strongly condemn this and find it sexist,disrespectful,misogynistic,repulsive and in bad taste.He can keep wishing but I am grateful never to have shared screen…
— Trish (@trishtrashers) November 18, 2023
ଏହା ସହ ଜନସାଧାରଣଙ୍କ ନିକଟରେ ମନସୁର ଅଲ୍ଲୀ କ୍ଷମା ପ୍ରାର୍ଥନା କରିବାକୁ ଦାବି କରିଥିଲେ । ସେପଟେ କ୍ଷମା ମାଗିବା ପରିବର୍ତ୍ତେ ମନସୁର ଘଟଣା ନେଇ ସ୍ପଷ୍ଟୀକରଣ ଦେଇ କହିଥିଲେ ଯେ, ମୁଁ ତ୍ରିଶାଙ୍କ ପ୍ରଶଂସା କରିବା ସହ ଥଟ୍ଟାରେ ଏଭଳି ମନ୍ତବ୍ୟ ଦେଇଥିଲି । ଅଯଥାରେ ଏହି ପ୍ରସଙ୍ଗକୁ ନେଇ ବିବାଦ ସୃଷ୍ଟି କରାଯାଉଛି ବୋଲି ମନସୁର ପାଲଟା ଅଭିଯୋଗ କରିଛନ୍ତି ।