ନୂଆଦିଲ୍ଲୀ,୧୭/୧୧: ଭାରତୀୟ ସେନାକୁ ଖୁବଶୀଘ୍ର ଏକ ନୂଆ ଶକ୍ତି ମିଳିବ । ଯାହାର ନାମ  ହେଉଛି ନିର୍ଭୟ ମିସାଇଲ । ଏହି ମିସାଇଲ ପ୍ରାୟ ୧ ହଜାର କି.ମି. ଦୂରତାକୁ ଲକ୍ଷ୍ୟଭେଦ କରିପାରିବ ।  ପ୍ରତିରକ୍ଷା ଗବେଷଣା ଓ ବିକାଶ ସଙ୍ଗଠନ (ଡିଆରଡିଓ) ପକ୍ଷରୁ ଏହି ଦୂରଗାମୀ ମିସାଇଲ ବିକଶିତ  କରାଯାଇଛି । ଏହା ଏକ ସବ୍‌ସୋନିକ୍‌ ମିସାଇଲ ଅର୍ଥାତ ଘଣ୍ଟା ପ୍ରତି ଏହା ୪୦୦ କି.ମି. ବେଗରେ  ଗତି କରିବ । 

ପ୍ରତିରକ୍ଷା  ସୂତ୍ରରୁ ମିଳିଥିବା  ସୂଚନା ଅନୁସାରେ କେନ୍ଦ୍ର ସରକାର ନିର୍ଭୟ  ମିସାଇଲକୁ ଭାରତୀୟ  ସେନା, ବାୟୁସେନା ଓ ନୌସେନାରେ ସାମିଲ କରିବା ଉପରେ ବିଚାର କରୁଛନ୍ତି । ପ୍ରସ୍ତାବକୁ ଅନୁମୋଦନ  ମିଳିଗଲେ ଏହି ସବ୍‌ସୋନିକ କ୍ରୁଜ ମିସାଇଲକୁ ଶତ୍ରୁ ରାଷ୍ଟ୍ରର ଠିକଣାକୁ ଧ୍ୱଂସ କରିବା ଲାଗି ମୁତୟନ  କରାଯିବ । ଏହା ଆଣବିକ ଅସ୍ତ୍ର ବହନ କରିପାରିବ । ୬ ମିଟର ଲମ୍ବ ଓ ୧୫୦୦ କି.ଗ୍ରା ଓଜନର ଏହି ମିସାଇଲ ଶତ୍ରୁର ରାଡାରରୁ ବର୍ତ୍ତିବା ଲାଗି କମ୍‌ ଉଚ୍ଚତାରେ ଗତିକରିପାରିବ ।