ନୂଆଦିଲ୍ଲୀ, ୦୧/୦୨ : କ୍ୟାବିନେଟ୍ ବୈଠକରେ ଅନ୍ତରୀଣ ବଜେଟ୍‌କୁ ମିଳିଲା ମଞ୍ଜୁରୀ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ୍ ବୈଠକରେ ମଞ୍ଜୁରୀ ମିଳିଛି। ୧୧ଟାରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ୍ ଉପସ୍ଥାପନ କରିବେ। ଏହା ପୂର୍ବରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ମଞ୍ଜୁରୀ ଦେଇଛନ୍ତି। ତେବେ ନୂଆ ସରକାର ଆସିବା ପରେ ପୂର୍ଣ୍ଣାଙ୍ଗ ବଜେଟ୍ ଆସିବ। ଏନେଇ ପ୍ରଧାନମନ୍ତ୍ରୀ ସ୍ପଷ୍ଟ କରିଛନ୍ତି। ଆଗକୁ ଲୋକସଭା ନିର୍ବାଚନ ଆସୁଛି। ତେଣୁ ସାଧାରଣ ବର୍ଗଙ୍କୁ ଆକୃଷ୍ଟ କରିବା ପାଇଁ ବଜେଟ୍‌ରେ ଲୋଭନୀୟ ଘୋଷଣା ହୋଇପାରେ ବୋଲି ଆଶା କରାଯାଉଛି। 

ଜାନୁଆରୀରେ ୧.୭୨ ଲକ୍ଷ କୋଟିର ଜିଏସ୍‌ଟି ଆଦାୟ

ଆଗକୁ ସାଧାରଣ ନିର୍ବାଚନ । ଏଣୁ ପୂର୍ଣ୍ଣାଙ୍ଗ ବଜେଟ୍‌ ବଦଳରେ ଲେଖାନୁଦାନ ବଜେଟ୍‌ ଆଗତ ହେବ । ବର୍ଷକର ଆୟବ୍ୟୟ ହିସାବ ଦେଇ ସରକାର ପ୍ରଥମ ୪ ମାସର ଖର୍ଚ୍ଚ ଅନୁମତି ମାଗିବେ । ବିଭିନ୍ନ ଜନକଲ୍ୟାଣକାରୀ ଯୋଜନାରେ ଆଗକୁ ଟଙ୍କା ବର୍ଷା ହେବ ବୋଲି ଇସାରା ଦେଇପାରନ୍ତି ଅର୍ଥମନ୍ତ୍ରୀ । ଅର୍ଥନୀତିର ସବୁ ସମସ୍ୟା, ପ୍ରତିଟି ବର୍ଗ ମତଦାତାଙ୍କ ଆଶା ଓ ଆକାଂକ୍ଷାର ସମାଧାନ ସୂତ୍ର ସରକାର ବାହାର କରି ସାରିଛନ୍ତି, ଯାହା ପୂର୍ଣ୍ଣାଙ୍ଗ ବଜେଟ୍‌ରେ ଘୋଷଣା ହେବ ବୋଲି ସୂଚାଇ ପାରନ୍ତି ।