ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

NDA ସରକାର ଆସୁ ଆସୁ RJD ବିରୋଧରେ ପ୍ରଥମ ପଦକ୍ଷେପ, ବାଚସ୍ପତିଙ୍କ ବିରୋଧରେ ଦେଲେ ଅନାସ୍ଥା ପ୍ରସ୍ତାବ ନୋଟିସ୍

ପାଟନା, ୨୯/୦୧: ବିହାରରେ ପଟ୍ଟ ପରିବର୍ତ୍ତନ କରି ରବିବାର ଏନଡିଏରେ ସାମିଲ୍ ହୋଇ ୯ମ ଥର ପାଇଁ ମୁଖ୍ୟମନ୍ତ୍ରୀ ହୋଇଛନ୍ତି ନୀତୀଶ କୁମାର । ରାଜ୍ୟରେ ନୂଆ ସରକାର ଗଠନ ପରେ ଏବେ ଏନଡିଏ, ଆରଜେଡି ବିରୋଧରେ ନେଇଛି ପ୍ରଥମ ଆକ୍ସନ୍ । ବିଧାନସଭା ବାଚସ୍ପତି ଅବଧ ବିହାରୀ ଚୌଧୁରୀଙ୍କ ବିରୋଧରେ ଅନାସ୍ଥା ପ୍ରସ୍ତାବ ନୋଟିସ୍ ଦେଇଛି ବିଜେପି ।

ଲଗାତର ୯ମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପ‌ଥ ଗ୍ରହଣ କଲେ ନୀତୀଶ କୁମାର; ପୁଣି ବିହାରରେ ଏନ୍‌ଡିଏ ସରକାର

ବିଧାନସଭା ବାଚସ୍ପତି ପଦରୁ ଅବଧ ଚୌଧୁରୀଙ୍କୁ ହଟାଇବା ଲାଗି ବିଜେପି ବିଧାୟକ ନନ୍ଦକିଶୋର ଯାଦବ ବିଧାନସଭା ସଚିବଙ୍କୁ ଅନାସ୍ଥା ପ୍ରସ୍ତାବର ନୋଟିସ୍ ଦେଇଛନ୍ତି । ଆରଜେଡି ନେତା ଅବଧ ବିହାରୀ ଚୌଧୁରୀ ଯଦି ବାଚସ୍ପତି ପଦରୁ ଇସ୍ତଫା ନ ଦିଅନ୍ତି ତ ତାଙ୍କୁ ବହୁମତରେ ହଟାଇ ଦିଆଯିବ । ବାଚସ୍ପତିଙ୍କ ବିରୋଧରେ ଦିଆ ଯାଇଥିବା ନୋଟିସ୍ ପ୍ରସ୍ତାବରେ ପୂର୍ବତନ ମୁଖ୍ୟମନ୍ତ୍ରୀ ଜୀତନ ରାମ ମାଞ୍ଝୀ, ପୂର୍ବତନ ଉପମୁଖ୍ୟମନ୍ତ୍ରୀ ତାରାକିଶୋର ପ୍ରସାଦ, ଜେଡିୟୁର ବିନୟ କୁମାର ଚୌଧୁରୀଙ୍କ ସହ ଏକାଧିକ ବିଧାୟକ ହସ୍ତାକ୍ଷର କରିଛନ୍ତି ।

ଏନଡିଏ ମେଣ୍ଟ ପାଖରେ ୧୨୮ ବିଧାୟକ ରହିଥିବା ବେଳେ ବିରୋଧୀଙ୍କ ପାଖରେ ଅଛନ୍ତି ୧୧୪ ବିଧାୟକ । ତେଣୁ ସଂଖ୍ୟା ଦୃଷ୍ଟିରୁ ଦେଖିଲେ ବାଚସ୍ପତି ପଦରୁ ଅବଧ ବିହାରୀ ଚୌଧୁରୀ ହଟିବ ଥୟ । ଏହା ପୂର୍ବରୁ ନୀତୀଶ କୁମାର ରବିବାର ଇସ୍ତଫା ଦେବା ପରେ କହିଥିଲେ, ମହାମେଣ୍ଟରେ ସ୍ଥିତି ଠିକ୍ ନାହିଁ । ଯେଉଁଥିପାଇଁ ମୁଁ ଏହି ପଦକ୍ଷେପ ନେଇଛି । ନୀତୀଶ କହିଥିଲେ, ମୁଁ ଦୀର୍ଘ ଦିନରୁ କାହାରି ବାବଦରେ ମନ୍ତବ୍ୟ ଦେଉ ନାହିଁ କାରଣ ମେଣ୍ଟରେ ଏହା ଠିକ୍ ନୁହେଁ । ମୁଁ ଦଳର ସମସ୍ତ କାର୍ଯ୍ୟକର୍ତ୍ତାଙ୍କ ମତାମତ ନେଲି ଓ ପରାମର୍ଶ ମିଳିଲା । ସେହି ଅନୁସାରେ ଇସ୍ତଫା ଦେଲି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.