ଭୁବନେଶ୍ୱର ୦୫/୦୨: ବିଧାନସଭା ବଜେଟ ଅଧିବେଶନ । ମଙ୍ଗଳବାର ଯାଏଁ ଗୃହକୁ ମୁଲତବୀ ରଖିଲେ ବାଚସ୍ପତି ପ୍ରମିଳା ମଲ୍ଲିକ । ଆସନ୍ତାକାଲିଠାରୁ ବିଭିନ୍ନ ପ୍ରସଙ୍ଗ ନେଇ ସରକାରଙ୍କୁ ଘେରିବାକୁ ଟାର୍ଗେଟ ରଖିଛନ୍ତି ବିରୋଧୀ । ହେଲେ ସେପଟେ ବିରୋଧୀଙ୍କୁ ବି ଚେକ୍ ଦେବାକୁ ରଣନୀତି ପ୍ରସ୍ତୁତ କରିଛି ଶାସକ ଦଳ ।
ସୂଚନା ମୁତାବକ, ସୋମବାର ଦିନ ଆରମ୍ଭ ହୋଇଥିଲା ଷୋଡ଼ଶ ବିଧାନସଭାର ଅନ୍ତିମ ଅଧିବେଶନ । ଯାହା ଆସନ୍ତା ୧୩ ତାରିଖ ଯାଏଁ ଚାଲିବ । ତେବେ ଆସନ୍ତା ୮ ତାରିଖରେ ବିଧାନସଭାରେ କାମଚଳା ବଜେଟ୍ ଉପସ୍ଥାପିତ କରିବେ ଅର୍ଥମନ୍ତ୍ରୀ । ଏହି ଅଧିବେଶନରେ ମୋଟ୍ ୭ଟି କାର୍ଯ୍ୟଦିବସ ରହିଛି।
ବଜେଟ ଅଧିବେଶ ପ୍ରରାମ୍ଭରେ ଅଭିଭାଷଣ ରଖିଥିଲେ ରାଜ୍ୟପାଳ ରଘୁବର ଦାସ। ଅଧିବେଶନ ଆରମ୍ଭରୁ ଦିବଂଗତ ପୂର୍ବତନ ସଦସ୍ୟଙ୍କୁ ରାଜ୍ୟପାଳ ରଘୁବର ଦାସ ଶ୍ରଦ୍ଧାଞ୍ଜଳି ଜଣାଇଛନ୍ତି । ଯବାନମାନଙ୍କୁ ମଧ୍ୟ ରାଜ୍ୟପାଳ ଶ୍ରଦ୍ଧାଞ୍ଜଳି ଜଣାଇଛନ୍ତି । ଚଳିତ ଅଧିବେଶନରେ ରାଜ୍ୟପାଳ ରଘୁବର ଦାସ ହିନ୍ଦୀ ଭାଷାରେ ମୋଟ ୧ ଘଣ୍ଟା ୨୮ ମିନିଟ୍ର ଭାଷଣ ଦେଇଛନ୍ତି । ଦିନ ୧୧ଟାରୁ ଭାଷଣ ଆରମ୍ଭ ହୋଇ ୧୨ଟା ୫୮ରେ ସରିଛି । ମୋଟ ୫୬ ପୃଷ୍ଠାର ଭାଷଣ ପଢ଼ିଲେ ରାଜ୍ୟପାଳ । ଯେଉଁଥିରେ ରାଜ୍ୟ ସରକାରଙ୍କ ବିଭିନ୍ନ ଯୋଜନା ଓ ଉପଲବ୍ଧି ସଂପର୍କର କହିଥିଲେ ।
ଅନ୍ୟପଟେ ରାଜ୍ୟପାଳଙ୍କ ଭାଷଣକୁ ପ୍ରତିବାଦ କରି କକ୍ଷତ୍ୟାଗ କରିଛି କଂଗ୍ରେସ ବିଧ୍ୟାୟକ । ରାଜା ମହାରାଜା ଅମଳ ଭଳି ପ୍ରଶଂସା କାର୍ଯ୍ୟକ୍ରମ କରାଯାଇଛି । ଏହାକୁ ବିରୋଧ କରି କକ୍ଷତ୍ୟାଗ କରୁଛୁ ବୋଲି କଂଗ୍ରେସ ନରସିଂହ ମିଶ୍ର କହିଛନ୍ତି ।
