ରାଉରକେଲା, ୨୭।୧: ରାଉରକେଲା ପୋଲିସର ବଡ଼ ସାଇବର କ୍ରାଇମର ଫର୍ଦ୍ଦାଫାଶ । କ୍ରିପଟୋ କରେନ୍ସି ନାଁରେ ଦୀର୍ଘ ଦିନରୁ ଅନଲାଇନରେ ଚଳାଇଥିଲେ ଫ୍ରଡ୍ କାରବାର । ୨୦୦ରୁ ଉର୍ଦ୍ଧ୍ୱ ସିମ୍ ସାହାଯ୍ୟରେ ଅଭିଯୁକ୍ତ ଏ ଫ୍ରଡ୍ କାରବାର କରୁଥିବା ସୂଚନା । କମ୍ବୋଡିଆରୁ ଚାଲିଥିଲା ଏହି କାରବାରର ସିନିଡିକେଟ୍ । ସୋସିଆଲ ସାଇଟ୍ରେ ବିଭିନ୍ନ ପ୍ରଲୋଭନ ଦେଖାଇ ଲୋକଙ୍କୁ ଠକୁଥିଲେ ।
ତେବେ ଘଟଣାରେ ୫ ଜଣଙ୍କୁ ଗିରଫ କରାଯାଇଥିବା ଜଣାପଡ଼ିଛି । ଗିରଫ ଅଭିଯୁକ୍ତମାନେ ଛତିଶଗଡ଼ ଓ ଦୁର୍ଗ ଅଞ୍ଚଳର ବୋଲି ସୂଚନା । ସାଇବର କ୍ରାଇମ ଓ ଇକୋନିମିକ ଅଫନ୍ସ ଆଇନରେ ଅଭିଯୁକ୍ତଙ୍କ ବିରୋଧରେ ମାମଲା ରୁଜୁ ହୋଇଛି । ମାମଲାରେ ୧ କୋଟି ଟଙ୍କା ଜବତ ହୋଇଥିବା ପୋଲିସ ସୂଚନା ଦେଇଛି ।