ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣି ଥରେ ବିଶ୍ୱର ସବୁଠୁ ଲୋକପ୍ରିୟ ନେତା ହୋଇଛନ୍ତି। ଗ୍ଲୋବାଲ ଲିଡର ଆପ୍ରୁଭାଲ ରେଟିଂ ମୁତାବିକ, ପ୍ରଧାନମନ୍ତ୍ରୀ ମୋଦି ୭୬ ପ୍ରତିଶତ ରେଟିଂ ସହ ପୁଣି ଥରେ ଲୋକପ୍ରିୟତାରେ ଦୁନିଆର ଶୀର୍ଷ ସ୍ତରୀୟ ନେତା ପାଲଟି ଯାଇଛନ୍ତି। ଏହି ରେଟିଂ ୨୯ ନଭେମ୍ୱରରୁ ୫ ଡିସେମ୍ୱରର ଡାଟା ଆଧାରରେ ପ୍ରକାଶିତ କରାଯାଇଛି। ଏହି ଆପ୍ରୁଭାଲ ରେଟିଂର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡିସଆପ୍ରୁଭାଲ ରେଟିଂ ମଧ୍ୟ ଅନ୍ୟ ନେତାଙ୍କ ଠାରୁ କମ୍ ଅଛି।
ରେଟିଂ ମୁତାବିକ, ପ୍ରଧାନମନ୍ତ୍ରୀ ମୋଦିଙ୍କ ପରେ ଦ୍ୱିତୀୟ ନମ୍ୱରରେ ମେକ୍ସିକୋର ରାଷ୍ଟ୍ରପତି ଆଣ୍ଡ୍ରେଜ୍ ମ୍ୟାନୁଏଲ, ୩ୟରେ ସ୍ୱିଜରଲ୍ୟାଣ୍ଡର ରାଷ୍ଟ୍ରପତି ଅଲେନ୍ ବରସେଟ୍, ବ୍ରାଜିଲର ରାଷ୍ଟ୍ରପତି ଲୁଲା ଦା ସିଲଭା , ଅଷ୍ଟ୍ରେଲିଆନ୍ ପ୍ରଧାନମନ୍ତ୍ରୀ ଏନ୍ଥନୀ ଏଲବନିଜ୍ ଓ ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନୀ ଅଛନ୍ତି। ଏହି ରେଟିଂ ଭିନ୍ନ ଭିନ୍ନ ଦେଶର ଆଡଲ୍ଟ ପପୁଲେସନର ରେଟିଂ ଆଧାରରେ ବାହାର କରାଯାଏ । ପ୍ରତି ଦେଶରେ ସାମ୍ପଲ ସାଇଜ ଅଲଗା ହୋଇଥାଏ ।
