ଦୁବାଇ : ଇସ୍ରାଏଲ ଓ ହମାସ ମଧ୍ୟରେ ଯୁଦ୍ଧ ଭିତରେ ଭାରତକୁ ଅନେକ ଦେଶ ଶାନ୍ତି ପ୍ରତିଷ୍ଠା କରିବା ପାଇଁ ପ୍ରୟାସ କରିବା କଥା କହିଛନ୍ତି। COP28 ସମିତି ବୈଠକ ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଇସ୍ରାଏଲର ରାଷ୍ଟ୍ରପତି ଇସହାକ ହର୍ଜୋଗଙ୍କ ମଧ୍ୟରେ ୟୁଏଇରେ ସାକ୍ଷାତ୍ ହୋଇଛି। ଉଭୟଙ୍କ ମଧ୍ୟରେ ହମାସ ସହ ଚାଲୁଥିବା ଯୁଦ୍ଧକୁ ନେଇ କଥାବାର୍ତ୍ତା ହୋଇଛି।
୭ ଅକ୍ଟୋବରରେ ଇସ୍ରାଏଲରେ ହୋଇଥିବା ରକ୍ତାକ୍ତ କାଣ୍ଡକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଃଖ ପ୍ରକାଶ କରିଛନ୍ତି ଏବଂ ହର୍ଜୋଗଙ୍କୁ ଆଲୋଚନା ଓ ରଣନୀତିକ ପ୍ରକ୍ରିୟା ମାଧ୍ୟମରେ ସମସ୍ୟାର ସମାଧାନ ବାହାର କରିବାକୁ ପରାମର୍ଶ ଦେଇଛନ୍ତି।
ବିଦେଶ ମନ୍ତ୍ରାଳୟର ପ୍ରବକ୍ତା ଅରିନ୍ଦମ ବାଗଚୀ ଏକ୍ସ (ଟ୍ୱିଟର)ରେ ଲେଖିଛନ୍ତି , ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଇସହାକ ହର୍ଗୋଜଙ୍କ ମଧ୍ୟରେ ଦୁବାଇରେ ସାକ୍ଷାତ ହୋଇଛି। ଉଭୟ ନେତା ଇସ୍ରାଏଲ-ହମାସ ଯୁଦ୍ଧକୁ ନେଇ ନିଜ ନିଜର ବିଚାର ସେୟାର କରିଛନ୍ତି। ପ୍ରଧାନମନ୍ତ୍ରୀ ମୋଦି ଇସ୍ରାଏଲରେ ହେବାକୁ ଥିବା ମୃତ୍ୟୁକୁ ନେଇ ଦୁଃଖ ପ୍ରକାଶ କରିଛନ୍ତି ଏବଂ ଏହାସହ ପଣବନ୍ଦୀଙ୍କ ମୁକ୍ତ ପାଇଁ ଶୁଭେଚ୍ଛା ମଧ୍ୟ ଦେଇଛନ୍ତି। ଭାରତ ଟୁ ଷ୍ଟେଟ୍ ସଲ୍ୟୁସନର କଥାକୁ ଦୋହରାଇଛି।
ବାଗଚୀ କହିଛନ୍ତି , ପ୍ରଧାନମନ୍ତ୍ରୀ ମୋଦି ପ୍ରଭାବିତ ଲୋକଙ୍କ ଯାଏ ଲଗାତାର ଓ ସୁରକ୍ଷିତ ମାନବୀୟ ସହାୟତା ପହଞ୍ଚାଇବା କଥା ଦୋହରାଇଛନ୍ତି। ଏହା ବ୍ୟତୀତ ଭାରତ ପକ୍ଷରୁ ଟୁ ଷ୍ଟେଟ୍ ସଲ୍ୟୁସନ ପକ୍ଷରୁ ଧ୍ୟାନ ଦେବା ଓ ଆଲୋଚନା ମାଧ୍ୟମରେ ଫିଲିସ୍ତିନ ମାମଲାର ସମାଧାନ ବାହାର କରିବାକୁ ପରମର୍ଶ ଦେଇଛନ୍ତି।
କହି ରଖୁଛୁ କି, ଇସ୍ରାଏଲର କହିବା ହେଲା କି, ହମାସର ହମଲାରେ ୧୨୦୦ ଲୋକଙ୍କ ଜୀବନ ଯାଇଥିଲା। ଏହାପରେ ଇସ୍ରାଏଲ ମଧ୍ୟ ପାଲଟ ଆକ୍ରମଣ ଆରମ୍ଭ କରିଛି ଏବଂ ଗାଜାରେ ଅତି କମ୍ରେ ୧୩୦୦୦ ଲୋକଙ୍କ ଜୀବନ ଚାଲିଯାଇଛି ।