ନୂଆଦିଲ୍ଲୀ, ୦୨/୦୯: ରୋଭର ପ୍ରଜ୍ଞାନ୍‌ ଏବେ ବିଶ୍ରାମ ନେଇଛି । ମିଶନ ପୂରା କରି ସ୍ଲିପ୍‌ ମୋଡକୁ ଗଲା ରୋଭର । ଏହା ସହ ଆଗାମୀ୧୪ ଦିନ ପରେ ରୋଭର ପ୍ରଜ୍ଞାନ ପୁଣି ଥରେ ସକ୍ରିୟ ହେବା ସହ କାର୍ଯ୍ୟ କରିପାରିବ ବୋଲି ଇସ୍ରୋ ଆଶା ରଖିଛି । ଇସ୍ରୋ ପକ୍ଷରୁ କୁହାଯାଇଛି ଯେ, ରୋଭର ପ୍ରଜ୍ଞାନକୁ ସୁରକ୍ଷିତ ଢଙ୍ଗରେ ସ୍ଲିପ୍ ମୋଡରେ ରଖାଯାଇଛି । ଏହା ସହିତ ଏପିଏକ୍ସଏସ ଓ ଏଲଆଇବିଏସ ପେଲୋଡକୁ ମଧ୍ୟ ବନ୍ଦ କରାଯାଇଛି । 

ଆଲ୍ଲାହବାଦ ହାଇକୋର୍ଟଙ୍କ ଗୁରୁତ୍ବପୂର୍ଣ୍ଣ ରାୟ; 'ଲିଭ୍‌ ଇନ୍‌ ରିଲେସନ୍‌' ଆମ ପାଇଁ ଠିକ୍‌ ନୂହେଁ

ଏହା ସହ ପେଲୋଡରେ ରହିଥିବା ସମସ୍ତ ତଥ୍ୟକୁ ଲ୍ୟାଣ୍ଡର ବିକ୍ରମ ଜରିଆରେ ପୃଥିବୀକୁ ପଠାଯିବା ପ୍ରକ୍ରିୟା ସମ୍ପୂର୍ଣ୍ଣ ହୋଇସାରିଥିବା ଇସ୍ରୋ ପକ୍ଷରୁ ସୂଚନା ଦିଆଯାଇଛି । ତେବେ ପ୍ରଜ୍ଞାନର ବ୍ୟାଟେରୀରେ ଫୁଲ୍ ଚାର୍ଜ ରହିଛି। ରୋଭରର ସୋଲାର ପ୍ୟାନେଲକୁ ଏମିତି ସେଟ୍ କରାଯାଇଛି ଯେ ସେପ୍ଟେମ୍ବର ୨୨ରେ ଚନ୍ଦ୍ରର ଦକ୍ଷିଣ ମେରୁରେ ସୂର୍ଯ୍ୟ କିରଣ ପଡ଼ିଲେ ତାହା ରୋଭର ଗ୍ରହଣ କରି ପାରିବ ।  ପରବର୍ତ୍ତୀ କାର୍ଯ୍ୟ ଲାଗି  ରୋଭର ଆକ୍ଟିଭ ହେବ ବୋଲି ଇସ୍ରୋ ଆଶା ରଖିଛି  । ଏହା ପରେ ଅବଶିଷ୍ଟ କାମ ପୂରା କରିବ ପ୍ରଜ୍ଞାନ । 

ତେବେ ଯଦି ରୋଭର ପୁନଃ ସକ୍ରିୟ ନ ହୁଏ ତେବେ କଣ ହେବ ? ଇସ୍ରୋ ପକ୍ଷରୁ ମିଳିଥିବା ସୂଚନା ଅନୁସାରେ , କୌଣସି କାରଣବଶତଃ ପରବର୍ତ୍ତୀ ସୂର୍ଯ୍ୟଦୋୟ ପରେ ରୋଭର ଆକ୍ଟିଭ ନ ହେଲେ ତାହା ସେହି ଅବସ୍ଥାରେ ଭାରତର ରାଜଦୂତ ପରି ସେଠାରେ ଉପସ୍ଥିତ ରହିବ । ସୂଚନାଯୋଗ୍ୟ, ଅଗଷ୍ଟ ୨୩ ତାରିଖରେ ଚନ୍ଦ୍ରର ଦକ୍ଷିଣ ମେରୁରେ ଲ୍ୟାଣ୍ଡର ବିକ୍ରମକୁ ସଫଳତାର ସହ ଅବତରଣ କରାଇ ଇତିହାସ ରଚିଥିଲା ଇସ୍ରୋ । ଏହା ପରେ ଲ୍ୟାଣ୍ଡରରୁ ରୋଭର ପ୍ରଜ୍ଞାନ ବାହାରି ଚନ୍ଦ୍ରର ଦକ୍ଷିଣମେରୁରୁ ଗୁରୁତ୍ବପୂର୍ଣ୍ଣ ତଥ୍ୟ ପଠାଇଛି । ଏହା ସହ  ସେଠାକାର ଭୌତିକ ସଂରଚନା ସଂପର୍କରେ ସୂଚନା ପ୍ରଦାନ କରିଛି ରୋଭର ପ୍ରଜ୍ଞାନ ।

You can also read: ବେଙ୍ଗଲ-ବାଂଲାଦେଶ ସୀମାରେ ସୁନା ସ୍ମଗଲିଂ, ୪ଟି ଗୋଲ୍ଡ ବିସ୍କୁଟ୍‌ ସହ ମହିଳାଙ୍କୁ ଧରିଲା ବିଏସଏଫ୍‌