ପ୍ରମୁଖ ଖବର
  • ଚଣ୍ଡିଗଡ଼ ମେୟର ନିର୍ବାଚନ: ଆପ୍‌ ପ୍ରାର୍ଥୀ ବିଜୟୀ , ଫଳାଫଳ ଘୋଷଣା କଲେ ସୁପ୍ରିମକୋର୍ଟ
  • ||
  • ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ: ଇଣ୍ଡିଆନ୍ ସ୍କ୍ବାର୍ଡକୁ ଫେରିବେ କେ.ଏଲ୍‌ ରାହୁଲ
  • ||
  • କଣ୍ଟାବାଞ୍ଜି ବିଧାୟକଙ୍କୁ ହତ୍ୟା ଧମକ ଘଟଣା, ନଗର କଂଗ୍ରେସ କମିଟି ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ
  • ||
  • ମଙ୍ଗଳବାର ଦିନିକିଆ ସମ୍ବଲପୁର ଗସ୍ତରେ ଆସୁଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଲୋକାର୍ପଣ ହେବ ସ୍କିଲ୍‌ ଇଣ୍ଡିଆ ସେଣ୍ଟର
  • ||
  • ମାଟ୍ରିକ୍ ପରୀକ୍ଷା ପୂର୍ବରୁ ଝୁଲିପଡିଲେ ଛାତ୍ର, ମୃତ୍ୟୁର କାରଣ ଅସ୍ପଷ୍ଟ
  • ||
  • ଶ୍ରୀମନ୍ଦିର ପ୍ରଶାସନ ପକ୍ଷରୁ ୨୦୨୪-୨୫ ପର୍ବପର୍ବାଣୀ ତାଲିକା ପ୍ରକାଶ: ଜୁନ୍‌ ୨୨ରେ ସ୍ନାନ ଯାତ୍ରା, ଜୁଲାଇ ୭ରେ ଶ୍ରୀଗୁଣ୍ଡିଚା
  • ||
  • ରାଜ୍ୟର ୯୬ ଲକ୍ଷ ପରିବାରକୁ ମିଳିବ ହଜାରେ ଲେଖାଏଁ, ଆଜି ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ବୁର୍ଜା ଛକ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା: ଚାଲିଗଲା ଦୁଇ ଜୀବନ, ୨ ଆହତ
  • ||
  • ମଙ୍ଗଳବାର ବରଗଡ଼ ଗସ୍ତରେ ଯିବେ ମୁଖ୍ୟମନ୍ତ୍ରୀ, ଗଙ୍ଗାଧର ସେଚ ପ୍ରକଳ୍ପର କରିବେ ଲୋକାର୍ପଣ
  • ||
  • ମାଘରେ ବଢ଼ୁଛି ତାତି: ଟିଟଲାଗଡ଼ ପାଲଟିଲାଣି ତତଲା ସହର, ୩୬ ଡିଗ୍ରୀ ପାର୍ ତାପମାତ୍ରା, ୨୪ରୁ ଘଡଘଡି ସହ ବର୍ଷା ସମ୍ଭାବନା
  • ||
  • ମଙ୍ଗଳବାରଠୁ ମାଟ୍ରିକ ପରୀକ୍ଷା: ୫ଲକ୍ଷ ୫୧ ହଜାର ୬୨୧ଛାତ୍ରଛାତ୍ରୀ ଦେବେ ପରୀକ୍ଷା, କପି ଜଗିବ AI କ୍ୟାମେରା
  • ||

ପ୍ରଶ୍ନ ପତ୍ର ଲିକ୍‌ ବିରୋଧୀ ବିଲ୍‌ ଲୋକସଭାରେ ପାରିତ, ଆଇନ ଆସିଲେ ତ୍ରାହି ପାଇବେନି ଅପରାଧୀ

Image Courtesy: mid-day.com

ନୂଆଦିଲ୍ଲୀ: ପ୍ରଶ୍ନ ପତ୍ର ଲିକ୍‌ ରୋକିବା ଲାଗି ଆସିଥିବା ବିଧେୟକ ଲୋକସଭାରେ ପାରିତ ହୋଇଛି । ପରୀକ୍ଷା ପ୍ରଶ୍ନ ପତ୍ର ଲିକ୍ କରୁଥିବା ଦୋଷୀଙ୍କ ବିରୋଧରେ ଦଣ୍ଡବିଧାନ କରିବା ପାଇଁ ତିଆରି ହୋଇଛି ଏହି ବିଧେୟକ । ଏହି ବିଲ୍‌କୁ ସରକାର ସୋମବାର ଗୃହରେ ଉପସ୍ଥାପିତ କରିଥିଲେ । ଏଥିରେ ସ୍କୁଲ ପରୀକ୍ଷାରୁ ଆରମ୍ଭ କରି କଲେଜ ଏବଂ ସରକାରୀ ଚାକିରି ପାଇଁ ହେଉଥିବା ପରୀକ୍ଷା ମଧ୍ୟ ସାମିଲ ରହିଛି। 

ଏହି ବିଲ୍‌ରେ ସରକାର ଦୋଷୀଙ୍କ ବିରୋଧରେ କଡ଼ା ନିୟମ ଆଣିଛନ୍ତି । ଦୋଷୀ ସାବ୍ୟସ୍ତ ହେଲେ ୧୦ ବର୍ଷ ଜେଲ ଏବଂ ୧ କୋଟି ପର୍ଯ୍ୟନ୍ତ ଜରିମାନା ଦେବାକୁ ପଡ଼ିପାରେ । ବିଲଟି ଲୋକସଭାରେ ପାରିତ ହୋଇଥିବା ବେଳେ ଏବେ ଏହାକୁ ରାଜ୍ୟସଭାରେ ଉପସ୍ଥାପିତ କରାଯିବ । ରାଜ୍ୟସଭାରେ ବିଧେୟକ ପାସ ହୋଇଯିବା ପରେ ରାଷ୍ଟ୍ରପତିଙ୍କ ନିକଟକୁ ଅନୁମୋଦନ ଲାଗି ପଠାଯିବ । ରାଷ୍ଟ୍ରପତିଙ୍କ ଅନୁମୋଦନ ପରେ ଏହି ବିଧେୟକ ଆଇନ୍‌ରେ ପରିଣତ ହୋଇଯିବ । 

ଏହି ଆଇନ ଆସିଯିବା ପରେ ପରିଶ୍ରମ କରି ପରୀକ୍ଷା ଲାଗି ପ୍ରସ୍ତୁତ ହେଉଥିବା ଆଶାୟୀଙ୍କୁ ଆଶ୍ବସ୍ତି ମିଳିବ । ବିଭିନ୍ନ ସମୟରେ ପେପର ଲିକ୍ କାରଣରୁ ଅନେକ ଆଶାୟୀ ମାନସିକ ସ୍ତରରେ ଖୁବ୍‌ ଆଘାତ ପାଉଛନ୍ତି ।

 ୧. ନିୟମ ଉଲ୍ଲଂଘନ କଲେ ଦୋଷୀଙ୍କୁ ଅତିକମରେ ୩ରୁ ୫ ବର୍ଷ ଜେଲ ଦଣ୍ଡ ଏବଂ ୧୦ ଲକ୍ଷ ଟଙ୍କା ଯାଏଁ ଜରିମାନା ଦେବାକୁ ପଡ଼ିବ ।

୨. ସଂଘବଦ୍ଧ ଭାବେ ଅପରାଧ କରିଥିଲେ ଦୋଷୀଙ୍କୁ ୫-୧୦ ବର୍ଷ ଜେଲ ଦଣ୍ଡ ମିଳିବ । ଏହା ସହ ଅତିକମରେ ଏକ କୋଟି ଟଙ୍କା ଜରିମାନା ଦେବେ ଅପରାଧୀ ।

୩. ସେବା ଯୋଗାଉଥିବା ସଂସ୍ଥାର ଭୁଲ ଥିଲେ ଏକ କୋଟି ଟଙ୍କା ଜରିମାନା ଲାଗିବ । ଏହା ସହ ପରୀକ୍ଷା ଆୟୋଜନ ଲାଗି ହୋଇଥିବା ଖର୍ଚ୍ଚ ଫେରାଇବ ସଂସ୍ଥା ।

ଏହି ବିଧେୟକ ଅନୁସାରେ, ପେପର ଲିକ୍‌ ନେଇ ସମସ୍ତ ଅପରାଧ ଜାମିନ୍‌ ବିହୀନ ଏବଂ ସମନ ବିହୀନ । ଏହାର ଅର୍ଥ ପୋଲିସ ନିଜ ଆଡ଼ୁ ମାମଲା କରିବା ସହ ଅପରାଧୀକୁ ବିନା ସମନରେ ଗିରଫ କରିପାରିବ । ସେପଟେ ଅଭିଯୁକ୍ତକୁ ଜାମିନ ମିଳିବନି ଏବଂ ସେ କୌଣସି ବୁଝମଣା କରି ମାମଲାକୁ ରଫାଦଫା କରିପାରିବ ନାହିଁ । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.