କୋରାପୁଟ, ୬/୧୧ : ବିଜେଡିରୁ ବିଦା ହେଲେ ରଘୁରାମ ମାଛ। କୋରାପୁଟ ନିର୍ବାଚନ ମଣ୍ଡଳୀର ୨୦୧୪ ନିର୍ବାଚନର ବିଜେଡି ବିଧାୟକ ପ୍ରାର୍ଥୀ ରଘୁରାମ ମାଛଙ୍କୁ ଦଳରୁ ବହିଷ୍କୃତ କରାଯାଇଛି। ଦଳ ବିରୋଧୀ କାର୍ଯ୍ୟ ଯୋଗୁଁ ତାଙ୍କୁ ରାଜ୍ୟ ସଭାପତି ନବୀନ ପଟ୍ଟନାୟକ ବହିଷ୍କୃତ କରିଥିବା ରାଜ୍ୟ ସାଧାରଣ ସମ୍ପାଦକ ମାନସ ମଙ୍ଗରାଜ ଏକ ପ୍ରେସ ବିବୃତିରେ ଜଣାଇଛନ୍ତି। 

ଏହି କାର୍ଯ୍ୟାନୁଷ୍ଠାନକୁ ନେଇ ରଘୁରାମ କହିଛନ୍ତି ଯେ, ସେ ଦଳ ପାଇଁ କାମ କରୁଥିଲେ। ପୂର୍ବରୁ ଦଳ ଯାହା ଦାୟିତ୍ଵ ଦେଇଛି ସବୁ ନିଷ୍ଠାର ସହ କରିଛନ୍ତି। ତେବେ ତାଙ୍କ ସଙ୍ଗଠନ ଦେଖି ଦଳର ଜଣେ ବିଧାୟକ ରାଜ୍ୟ ସଙ୍ଗଠନ ନିକଟରେ ଏଭଳି  ପ୍ରରୋଚନା କରିଛନ୍ତି। ବର୍ତମାନ ତାଙ୍କ ଆଗାମୀ କାର୍ଯ୍ୟପନ୍ଥା ସମ୍ପର୍କରେ ପଚାରିବାରୁ ସେ ସଙ୍ଗଠନ କାର୍ଯ୍ୟ ବନ୍ଦ୍ କରିବେ ନାହିଁ। ଅନ୍ୟ କୌଣସି ଦଳ ଆମନ୍ତ୍ରିତ କଲେ ଚିନ୍ତା କରିବେ ବୋଲି କହିଛନ୍ତି। 

ପ୍ରକାଶ ଥାଉ ଯେ, କିଛି ଦିନ ପୂର୍ବେ ରଘୁରାମ ବିଜେଡି ଛାଡି ବିଜେପିରେ ଯୋଗ ଦେବା ନେଇ ଚର୍ଚ୍ଚା ହେଉଥିଲା। ଯାହାକୁ ସେତେବେଳେ ସେ ଖଣ୍ଡନ କରିଥିଲେ।