ନୂଆଦିଲ୍ଲୀ,୦୩/୧୨: ମଧ୍ୟପ୍ରଦେଶ, ଛତିଶଗଡ ଏବଂ ରାଜସ୍ଥାନରେ ରାହୁଲ ଗାନ୍ଧୀ ତାଙ୍କ ଦଳର ପରାଜୟକୁ ଗ୍ରହଣ କରିଛନ୍ତି। ସେ ଏକ୍ସରେ ପୋଷ୍ଟ କରି କହିଛନ୍ତି ଯେ, ମଧ୍ୟପ୍ରଦେଶ, ଛତିଶଗଡ ଏବଂ ରାଜସ୍ଥାନର ଜନାଦେଶକୁ ଆମେ ନମ୍ରତାର ସହ ଗ୍ରହଣ କରୁଛୁ - ବିଚାରଧାରା ତଥା ଆଦର୍ଶ ପାଇଁ ଆମ ସଂଗ୍ରାମ ଜାରି ରହିବ। ତେଲେଙ୍ଗାନାରେ ତାଙ୍କ ଦଳର ବିଜୟ ସମ୍ପର୍କରେ ସେ କହିଛନ୍ତି, “ତେଲେଙ୍ଗାନାବାସୀଙ୍କ ପ୍ରତି ମୁଁ ବହୁତ କୃତଜ୍ଞ - ଆମେ ନିଶ୍ଚିତ ଭାବେ ଉଜ୍ଜ୍ବଳମୟ ତେଲେଙ୍ଗାନା ଗଢ଼ିବାର ସ୍ବପ୍ନ ପୂରଣ କରିବୁ। ସମସ୍ତ ଶ୍ରମିକମାନଙ୍କୁ ସେମାନଙ୍କର ପରିଶ୍ରମ ଏବଂ ସମର୍ଥନ ପାଇଁ ହୃଦୟରୁ ଧନ୍ୟବାଦ ଜଣାଉଛି। ”
ଅସନ୍ତୁଷ୍ଟ ପ୍ରକାଶ କଲେ ମଲ୍ଲିକାର୍ଜୁନ ଖଡ୍ଗେ:
କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ୍ଗେ ମଧ୍ୟ ମଧ୍ୟପ୍ରଦେଶ, ଛତିଶଗଡ଼ ଏବଂ ରାଜସ୍ଥାନର ବିଧାନସଭା ନିର୍ବାଚନରେ ଦଳୀୟ ପରାଜୟକୁ ନେଇ ଅସନ୍ତୁଷ୍ଟ ପ୍ରକାଶ କରିଛନ୍ତି। ଏବଂ କହିଛନ୍ତି ଯେ, ଏହି ରାଜ୍ୟଗୁଡ଼ିକରେ ଆମ ଦଳ ଆହୁରି ପରିଶ୍ରମ କରିବ। ଏଥିସହିତ ବିପକ୍ଷ 'ଇଣ୍ଡିଆ ମେଣ୍ଟ ସହାୟତାରେ' ଆଗାମୀ ଲୋକସଭା ନିର୍ବାଚନ ପାଇଁ ଦଳକୁ ପ୍ରସ୍ତୁତ କରିବ। ତେଲେଙ୍ଗାନାରେ କଂଗ୍ରେସର ବିଜୟ ପାଇଁ ସେ ଭୋଟରଙ୍କୁ ଧନ୍ୟବାଦ ଜଣାଇଛନ୍ତି। ଘଡ୍ଗେ ଏକ୍ସରେ ପୋଷ୍ଟ କରିଛନ୍ତି, “ମୁଁ ତେଲେଙ୍ଗାନାର ଭୋଟରଙ୍କୁ ଭାରତୀୟ ଜାତୀୟ କଂଗ୍ରେସ ଉପରେ ବିଶ୍ବାସ ଏବଂ ଭରସା ଜ୍ଞାପନ କରିଥିବାରୁ ମୁଁ ଧନ୍ୟବାଦ ଦେଉଛି। ଛତିଶଗଡ, ମଧ୍ୟପ୍ରଦେଶ ଏବଂ ରାଜସ୍ଥାନରେ ଯେଉଁମାନେ ଆମକୁ ଭୋଟ୍ ଦେଇଛନ୍ତି ମୁଁ ସେମାନଙ୍କୁ ମଧ୍ୟ ଧନ୍ୟବାଦ ଜଣାଉଛି। ”
