ଭୁବନେଶ୍ୱର, ୨୮।୧: ଦୁଇଦିନିଆ ଓଡ଼ିଶା ଗସ୍ତରେ ଆସିଛନ୍ତି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । ଶନିବାର ସନ୍ଧ୍ୟାରେ ସେ ଭୁବନେଶ୍ୱର ବିମାନବନ୍ଦରରେ ପହଞ୍ଚିଥିଲେ । ରାତି ପ୍ରାୟ ସାଢ଼େ ୭ଟାରେ ଶ୍ରୀ ବୈଷ୍ଣବ କଟକ ଯାଇ ରାଷ୍ଟ୍ରଦୀପ କାର୍ଯ୍ୟାଳୟରେ ଦଳୀୟ କର୍ମକର୍ତ୍ତାଙ୍କ ସହିତ ଆଲୋଚନା କରିଥିଲେ । ପରେ ରେଳମନ୍ତ୍ରୀ ଶ୍ରୀ ବୈଷ୍ଣବ ଦଳର ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ସମୀର ଦେ’ଙ୍କ ସିଡିଏ ସ୍ଥିତ ବାସଭବନକୁ ଯାଇ ସୌଜନ୍ୟମୂଳକ ସାକ୍ଷାତ କରିଥିଲେ । ପରେ ଷ୍ଟେସନ୍ ପାଖ ରେଳବାଇ ଗେଷ୍ଟ୍ହାଉସ୍ରେ ବିଶ୍ରାମ କରିଥିଲେ । ରବିବାର ସେ ସଦର ନିର୍ବାଚନମଣ୍ଡଳୀ ଯାଇ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ । କଟକ ବିରିବାଟି ଅନ୍ତର୍ଗତ ପରମହଂସ ମନ୍ଦିରରେ ପ୍ରଧାନମନ୍ତ୍ରୀଙ୍କ ମନ୍ କି ବାତ୍ କାର୍ଯ୍ୟକ୍ରମର ସିଧାପ୍ରସାରଣ ଦେଖିବେ ବୋଲି ସୂଚନା ରହିଛି ।
କିଏ ନେବ ରାଜ୍ୟ କଂଗ୍ରେସ ନେତୃତ୍ୱ ? ଦିଲ୍ଲୀ ଦରବାରରେ...