ନୂଆଦିଲ୍ଲୀ,୧୩/୧୧ : ଭାଇଜାନଙ୍କ ଫିଲ୍ମ ଲାଗି ଦର୍ଶକଙ୍କ ଭରପୁର କ୍ରେଜ । ଫିଲ୍ମ ହଲରେ ଖଚାଖଚ ଭିଡ଼ । ଏହାରି ଭିତରେ ସଲମାନ ଖାନ କିନ୍ତୁ ତାଙ୍କର ପ୍ରିୟ ଦର୍ଶକଙ୍କୁ ଖାସ୍ ଅପିଲ୍ କରିଛନ୍ତି । ଯାହା ଏବେ ଖୁବ୍ ଭାଇରାଲ ହେବାରେ ଲାଗିଛି । ଫିଲ୍ମ ରିଲିଜ ହେବା ପରେ କେତେକ ଭିଡ଼ିଓ ଥିଏଟର ଭିତରୁ ଏବେ ସୋସିଆଲ ମିଡ଼ିଆରେ ଘୁରି ବୁଲୁଛି । ଭିଡ଼ିଓରେ ଥିଏଟର ଭିତରେ କିଛି ଲୋକ ବାଣ ଫୁଟାଉଥିବା ନଜର ଆସୁଛନ୍ତି । ଏହି ଭିଡ଼ିଓ ଭାଇରାଲ ହେବା କ୍ଷଣି ସଲମାନ ଏକ ଟ୍ବିଟ(ଏକ୍ସ) କରିଛନ୍ତି । ଏହି ଟ୍ବିଟରେ ଅଭିନେତା ଜଣଙ୍କ ଦର୍ଶକମାନଙ୍କୁ ଏଭଳି ନ କରିବାକୁ ଅପିଲ କରିଛନ୍ତି ।
ସଲମାନ ଟ୍ବିଟ କରିଛନ୍ତି,‘ ମୋତେ ଶୁଣିବାକୁ ମିଳୁଛି କି ‘ଟାଇଗର ୩’ଦେଖିବା ସମୟରେ ଥିଏଟରରେ କିଛି ଲୋକ ବାଣ ଫୁଟାଉଛନ୍ତି । ଏହା ବହୁତ ବିପଦ ଜନକ ଅଟେ । ଆପଣମାନେ ଏହି ଫିଲ୍ମକୁ ଉପଭୋଗ କରନ୍ତୁ କାହାକୁ ବି ବିପଦରେ ନ ପକାଇ । ସୁରକ୍ଷିତ ରୁହନ୍ତୁ । ’
I'm hearing about fireworks inside theaters during Tiger3. This is dangerous. Let's enjoy the film without putting ourselves and others at risk. Stay safe.
— Salman Khan (@BeingSalmanKhan) November 13, 2023
ସୋସିଆଲ ମିଡ଼ିଆରେ ଥିଏଟର ଭିତରର ଭିଡ଼ିଓ ଭାଇରାଲ ହେବାରେ ଲାଗିଛି । ଏହି ଭିଡ଼ିଓରେ ଲୋକମାନେ ସ୍କ୍ରିନ ନିକଟରେ ଠିଆ ହୋଇଛନ୍ତି ଏବଂ ସୁଟିଂ କରୁଛନ୍ତି । ସେହିଭଳି ଅନ୍ୟ କିଛି ଲୋକ ସ୍କ୍ରିନ ନିକଟରେ ବାଣ ଫୁଟାଉଥିବା ନଜର ଆସୁଛନ୍ତି । ଏହିଭଳି ଭାବେ ବାଣ ଫୁଟାଉଥିବାର କିଛି ଭିଡ଼ିଓ ଭାଇରାଲ ହେବାରେ ଲାଗିଛି । ଏହି ସବୁ ଭିଡ଼ିଓ ଟାଇଗର ୩ଫିଲ୍ମ ସମୟର । ଏହି ଭାଇରାଲ ଭିଡ଼ିଓକୁ ଦେଖି ସଲମାନ ନିଜର ରାଗ ସୋସିଆଲ ମିଡ଼ିଆରେ ଜାହିର କରିଛନ୍ତି ।
