ଭୁବନେଶ୍ବର ୨୦/୧୧: ଓଡ଼ିଶା ବିଧାନସଭାର ଉପବାଚସ୍ପତି ପ୍ରାର୍ଥୀ ଭାବେ ନାମାଙ୍କନ ଭରିଲେ ବିଧାୟକ ସାଲୁଗା ପ୍ରଧାନ। ମଙ୍ଗଳବାର ସକାଳ ୯ଟା୩୦ ରେ ବିଧାନସଭାରେ ଉପବାଚସ୍ପତି ନିର୍ବାଚନ ଅନୁଷ୍ଠିତ ହେବ।  ନଭେମ୍ବର ୮ରେ ଉପବାଚସ୍ପତି ରାଜନୀକାନ୍ତ ସିଂଙ୍କ ଇସ୍ତଫା ଦେବା‌ ପରେ ଏହି ପଦ ଖାଲିପଡିଥିଲା। ମଙ୍ଗଳବାର ଶୀତକାଳୀନ ଅଧିବେଶନ ପୂର୍ବରୁ ଉପବାଚସ୍ପତି ନିର୍ବାଚନ ଅନୁଷ୍ଠିତ ହେବ।

ସୂଚନା ମୁତାବିକ, ସାଲୁଗାଙ୍କ ନାଁ ଘୋଷଣା କରି ବିଜେଡି ଆଦିବାସୀ କାର୍ଡ ଖେଳିଛି। ଜି. ଉଦୟଗିରି ବିଧାୟକ ସାଲୁଗା ପ୍ରଧାନ ପରବର୍ତ୍ତୀ ଉପବାଚସ୍ପତି ନିର୍ବାଚନ ପାଇଁ ବିିଧାନସଭା ସଚିବଙ୍କ ନିକଟରେ ପ୍ରାର୍ଥୀ ପତ୍ର ଦାଖଲ କରିଛନ୍ତି।  ବିଧାୟକ ଶ୍ରୀ ପ୍ରଧାନ ୨୦୦୨ରୁ ୨୦୦୪ ପର୍ଯ୍ୟନ୍ତ  ବିଧାୟକ ଥିଲେ। ପରେ ପୁଣି ୨୦୧୯ରୁ  ଜି. ଉଦୟଗିରିରୁ ବିଧାୟକ ଭାବେ ଅଛନ୍ତି।