ନୂଆଦିଲ୍ଲୀ ୧୮/୦୯: ଶାହାରୁଖ ଖାନ ଏବଂ କରଣ ଜୋହରଙ୍କ ମଧ୍ୟରେ ବନ୍ଧୁତା ପୁରା ଫିଲ୍ମ ଇଣ୍ଡଷ୍ଟ୍ରିରେ ପ୍ରସିଦ୍ଧ। ଉଭୟ ଅନେକ ପ୍ରୋଜେକ୍ଟରେ ଏକାଠି କାମ କରିଛନ୍ତି। ନିକଟରେ ଏକ ସାକ୍ଷାତକାରରେ କରଣ ଶାହାରୁଖଙ୍କ ସହ ତାଙ୍କର ଗଭୀର ବନ୍ଧୁତା ବିଷୟରେ କହିଛନ୍ତି। ସେ କହିଛି କିପରି କିଙ୍ଗ ଖାନ ଫ୍ରିରେ ‘ବ୍ରହ୍ମାସ୍ତ୍ର’ କରିଛନ୍ତି । 

ସାକ୍ଷାତକାରରେ କରଣ ଶାହାରୁଖଙ୍କ ସହ ଜଡିତ ଅନେକ କଥା କହିଛନ୍ତି। ସେ କହିଛନ୍ତି, ‘ଏ ଦିଲ ହୈ ମୁଶ୍‌କିଲ’ ଏବଂ ‘ବ୍ରହ୍ମାସ୍ତ୍ର’ରେ ଶାହାରୁଖ ମାଗଣାରେ କାମିୟୋ କରିଥିଲେ।  ସେ ବ୍ରହ୍ମାସ୍ତ୍ରରେ ୧୪ ଦିନ ସୁଟିଂ କରିଥିଲେ। ହୋଷ୍ଟ କରଣଙ୍କୁ ପଚାରିଥିଲେ ଯେ ଶାହାରୁଖଙ୍କୁ ଏହା ବଦଳରେ କିଛି ମହଙ୍ଗା ଉପହାର ଦେଇଛନ୍ତି କି? କରଣ କହିଛନ୍ତି, ମୁଁ ତାଙ୍କୁ ପୋଷାକ ଦିଏ ଏବଂ ସେ ତାହାକୁ ବହୁତ ପସନ୍ଦ କରନ୍ତି। ଫିଲ୍ମ ନିର୍ମାତା ଏହା ମଧ୍ୟ କହିଛନ୍ତି ଯେ ଶାହାରୁଖଙ୍କ ଏବଂ ତାଙ୍କ ମଧ୍ୟରେ ଟଙ୍କା ବିନିମୟ ହୁଏ ନାହିଁ।

ଅଭିନେତା ତାଙ୍କୁ କେବେବି ଟଙ୍କା ମାଗିନଥିବା ଦର୍ଶାଇ ସେ କହିଛନ୍ତି, ଶାହାରୁଖଙ୍କୁ ଯାହା ଦିଆଯାଏ ସେ ନିଅନ୍ତି। ୨୦୧୧ ମସିହାର ଏକ ଉଦାହରଣ ଦେଇ କରଣ କହିଛନ୍ତି ଯେ ‘ରା ୱାନ୍‌’ ସୁଟିଂ ସମୟରେ ଯେତେବେଳେ ଟିମ୍‌ ଡବଲ୍ ସିଫ୍ଟରେ କାମ କରୁଥିଲେ ସେତେବେଳେ ସେ ଶାହରୁଖଙ୍କ ଅନୁରୋଧ କ୍ରମେ ଏକ ଅଂଶ ନିର୍ଦ୍ଦେଶନା ଦେବାକୁ ଆଗେଇ ଆସିଥିଲେ। ସେ କହିଛନ୍ତି, ଆମ ସମ୍ପର୍କରେ ଏହା ବଡ କଥା ନୁହେଁ।