ନୂଆଦିଲ୍ଲୀ ୧୧/୦୯: ଜି-୨୦ ସମ୍ମିଳନୀର ସଫଳତା ପାଇଁ ବଲିଉଡ୍‌ ବାଦଶାହ ଶାହରୁଖ ଖାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଖୁବ୍‌ ପ୍ରଶଂସା କରିଛନ୍ତି । ଶାହରୁଖ ଏକ ଟ୍ୱିଟ୍‌ରେ ଲେଖିଛନ୍ତି, ‘ଜି-୨୦ରେ ଭାରତର ସଫଳ ଅଧ୍ୟକ୍ଷତା ଏବଂ ବିଶ୍ୱବାସୀଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ଦେଶଗୁଡ଼ିକ ଭିତରେ ଏକତା ବଢ଼ାଇବା ପାଇଁ ମାନନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅଭିନନ୍ଦନ । ଏହି କାରଣରୁ ସବୁ ଭାରତୀୟଙ୍କ ହୃଦୟରେ ସମ୍ମାନ ଓ ଗର୍ବର ଭାବନା ଆସିଛି । ସାର, ଆପରଙ୍କ ନେତୃତ୍ୱରେ ଆମେ ବିଚ୍ଛନ୍ନତାବାଦ ନୁହେଁ ବରଂ ଏକତାରେ ସମୃଦ୍ଧ ହେବୁ । ଏକ ପୃଥିବୀ, ଏକ ପରିବାର, ଏକ ଭବିଷ୍ୟତ’ ।

Congratulations to Hon. PM @narendramodi ji for the success of India’s G20 Presidency and for fostering unity between nations for a better future for the people of the world.
It has brought in a sense of honour and pride into the hearts of every Indian. Sir, under your… https://t.co/x6q4IkNHBN

— Shah Rukh Khan (@iamsrk) September 10, 2023

ପ୍ରକାଶଥାଉ କି, ଶାହରୁଖଙ୍କ ସଦ୍ୟ ମୁକ୍ତିଲାଭ କରିଥିବା ‘ଜୱାନ୍‌’ ଫିଲ୍ମରେ ଅନେକ ଗମ୍ଭୀର ପ୍ରସଙ୍ଗକୁ ଛୁଇଁବା ଭଳି ବିଷୟବସ୍ତୁ ରହିଛି । ଏଥିରେ କୃଷକ ଆତ୍ମହତ୍ୟା, ସ୍ୱାସ୍ଥ୍ୟସେବା ବ୍ୟବସ୍ଥା ଭଳି ପ୍ରମୁଖ ପ୍ରସଙ୍ଗ ରହିଛି । ଫିଲ୍ମରେ ଶାହରୁଖଙ୍କ ଏକ ମନୋଲଗ୍‌ ମଧ୍ୟ ରହିଛି ଯେଉଁଥିରେ ସେ ଭୋଟ ଦେବା ପୂର୍ବରୁ ପ୍ରଶ୍ନ ଉଠାଇବା କଥା କହୁଥିବା ଦେଖିବାକୁ ମିଳିଛି । ଏହା ସୋସିଆଲ ମିଡିଆରେ ବେଶ୍‌ ଭାଇରାଲ ହେଉଛି । ଶାହରୁଖ ଏଥିରେ କହୁଛନ୍ତି, ଭୋଟ ଦେବା ପୂର୍ବରୁ ପ୍ରଶ୍ନ ପଚାର ଯେ ଆଗାମୀ ୫ ବର୍ଷରେ ଦେଶ, ବେରୋଜଗାରୀ, ଶିକ୍ଷା, ସ୍ୱାସ୍ଥ୍ୟ ପାଇଁ ସେମାନେ କ’ଣ କରିବେ ।