ପୁରୀ, ୧/୩ : ଶ୍ରୀଜଗନ୍ନାଥ କ୍ରିକେଟ ଷ୍ଟାଡିୟମରେ ଏହି ପ୍ରତିଯୋଗିତା ୨୪/୨ତାରିଖରୁ ଆରମ୍ଭ ହୋଇ ୧/୩ରେ ଶେଷ ହୋଇଛି । ଏହି ପ୍ରତିଯୋଗିତାରେ ଓଡ଼ିଶାରୁ ୧୧ଟି ଦଳ ଭାଗ ନେଇଥିଲେ । ସମସ୍ତ ଦଳ ଭଲ ଖେଳ ପ୍ରଦର୍ଶନ କରିଥିବାବେଳେ ପୁରୀ ବାର ଆସୋସିଏସନ ଓ ହାଇକୋର୍ଟ ବାର ଆସୋସିଏସନ ମଧ୍ୟରେ ଫାଇନାଲ ମ୍ୟାଚ ହୋଇଥିଲା । ଟଚ୍ ଜିତି ହାଇକୋର୍ଟ ବାର ଆସୋସିଏସନ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ । ନିର୍ଦ୍ଧାରିତ ୨୦ଓଭରରେ ୧୬୪ ରନର ଲକ୍ଷ୍ୟ ରଖିଥିଲେ ହାଇକୋର୍ଟ ବାର ଆସୋସିଏସନ । ଏହି ଲକ୍ଷ୍ଯକୁ ପୂରଣ କରିବାକୁ ଯାଇ ପୁରୀ ବାର ଆସୋସିଏସନ ୯୧ରନରେ ଅଲଆଉଟ ହୋଇଯାଇଥିଲେ ।
ମ୍ୟାନ ଅଫ ଦି ମ୍ୟାଚ୍ ଭାବେ ଆଡ଼ଭୋକେଟ ସୁକାନ୍ତ ଦଳାଇ( କଟକ), ମ୍ୟାନ ଅଫ ଦି ସିରିଜ ଭାବେ ଆଡ଼ଭୋକେଟ କାଳିଶଙ୍କର ବାରିକ(ପୁରୀ) ମନୋନୀତ ହୋଇଥିଲେ । ମ୍ୟାଚକୁ ପରିଚାଳନା କରିଥିଲେ ଓଡ଼ିଶା କ୍ରିକେଟ ଆସୋସିଏସନର ସ୍ବୀକୃତି ପ୍ରାପ୍ତ ଅମ୍ପାୟର ଦୀଲିପ ସାମଲ, ସୌମେନ୍ଦ୍ର ପାତ୍ର ଓ ବିଭୂ ପ୍ରସାଦ ଚୌଧୁରୀ । ଏହି ଉଦଯାପନୀ ଉତ୍ସବରେ ଓଡ଼ିଶା ଷ୍ଟେଟ ବାର ଆସୋସିଏସନର ଚେୟାରମ୍ୟାନ ଆଡ଼ଭୋକେଟ ସିତାଂଶୁ ମୋହନ ଦ୍ୱିବେଦୀ, ରାଜ୍ୟସଭା ସାଂସଦ ଆଡଭୋକେଟ ଶୁଭାଶିଷ ଖୁଣ୍ଟିଆ, ଚେୟାରମ୍ୟାନ୍ ୟୁଥ ଆଫୟାର୍ସ କୁନା ବିହାରୀ ଦାସ ଅତିଥି ଭାବେ ପୁରସ୍କାର ବିତରଣ କରିଥିଲେ । ଓଡ଼ିଶା ଷ୍ଟେଟ ବାର୍ ଆସୋସିଏସନ ଚେୟାରମ୍ୟାନ ଆଡ଼ଭୋକେଟ ସିତାଂଶୁ ମୋହନ ଦ୍ୱିବେଦୀ ପୁରୀ ବାର୍ ଆସୋସିଏସନ ଶୃଙ୍ଖଳିତ ଭାବେ ଏହି ପ୍ରତିଯୋଗିତାକୁ ସମ୍ପୂର୍ଣ୍ଣ କରିଥିବାରୁ ଆଡ଼ଭୋକେଟ ସାରଦା ପ୍ରସାଦ ସାମଲ, ଆଡ଼ଭୋକେଟ ବିଭୂତି ଶଙ୍କର ତ୍ରିପାଠୀ, କ୍ୟାପଟେନ ଆଡ଼ଭୋକେଟ ଭଗବାନ ପଢିୟାରୀଙ୍କ ସହ ପୁରୀ ବାର୍ ଆସୋସିଏସନର ସମସ୍ତ ଖେଳାଳିଙ୍କୁ ପୁରସ୍କୃତ କରିଥିଲେ ।