ମୁମ୍ବାଇ, ୧୩/୧୧: ଦୀପାବଳିର ମହୁରତ ଟ୍ରେଡିଂରେ ସେୟାର ବଜାରରେ ଉତ୍ସାହ ଦେଖା ଦେଇଥିଲା । କିନ୍ତୁ ସୋମବାର କାରବାର ହ୍ରାସରୁ ଆରମ୍ଭ ହୋଇଛି । ନିଫ୍ଟି ୧୯, ୫୦୦ ତଳକୁ ଖସିଥିବା ସେନସେକ୍ସ ୬୫ ହଜାର ତଳେ ରହିଛି । ରବିବାର ମହୁରତ ଟ୍ରେଡିଂରେ ଭଲ କିଣାବିକା ହୋଇଥିଲା । ଉତ୍ସାହ ମଧ୍ୟରେ ବନ୍ଦ ହୋଇଥିଲା ବଜାର ।

ଆଜି ଫାର୍ମା ସେୟାର ଭଲ ବିକ୍ରି ହେଉଥିବା ବେଳେ ଏହା ସେୟାର ମାର୍କେଟକୁ ସପୋର୍ଟ ଦେଉଛି । ଆଜି ବିଏସ୍ଇର ସେନସେକ୍ସ ୧୦୧.୧୪ ପଏଣ୍ଟ ଅର୍ଥାତ୍ ୦.୧୫ ପ୍ରତିଶତ ବୃଦ୍ଧି ସହ ୬୫, ୧୫୮.୩୧ରେ ଖୋଲିଛି । ସେହିଭଳି ଏନ୍ଏସ୍ଇର ନିପ୍ଟି ୩୮.୮୦ ପଏଣ୍ଟ ଅର୍ଥାତ୍ ୦.୨୦ ପ୍ରତିଶତ ବୃଦ୍ଧି ସହ ୧୯, ୪୮୬.୭୫ ପଏଣ୍ଟରେ କାରବାର ଆରମ୍ଭ କରିଛି ।

୨୪ ଘଣ୍ଟା ପରେ ବି ଉତ୍ତରକାଶୀ ଟନେଲରେ ଫସି ରହିଛନ୍ତି ୪୦ ଶ୍ରମିକ, ଓଡ଼ିଶାରୁ ଅଛନ୍ତି ୫ ଜଣ

ତେବେ ଆଜି ବ୍ୟାଙ୍କ ନିଫ୍ଟି ହ୍ରାସ୍ ପାଇଛି । ଅଧିକାଂଶ ବ୍ୟାଙ୍କର ନିଫ୍ଟି ଖସିଛି । ବ୍ୟାଙ୍କ ନିଫ୍ଟି ୧୮୧ ପଏଣ୍ଟ ଖସି ୪୩, ୮୧୫ ସ୍ତରରେ ରହିଛି । ୦.୪୦ ପ୍ରତିଶତ ଖସିଛି ବ୍ୟାଙ୍କ ନିଫ୍ଟି । ନିଫ୍ଟିର ୫୦ ସେୟାର୍ ମଧ୍ୟରୁ ୧୧ଟି ସେୟାର ବଢ଼ିଥିବା ବେଳେ ୩୯ଟି ସେୟାର୍ ଖସିଛି । 

ସେନସେକ୍ସର ୩୦ ସେୟାର୍ ମଧ୍ୟରୁ ୫ଟି ସେୟାର ବଢ଼ୁଥିବା ବେଳେ ଅନ୍ୟ ୨୫ଟି ସେୟାର୍ ଖସିଛି । ସେନସେକ୍ସରେ ଏନଟିପିସି ସେୟାର ୧.୫୩ ପ୍ରତିଶତ, ପାୱାରଗ୍ରୀଡ୍ ସେୟାର ୦.୫୯ ପ୍ରତିଶତ, ଇଣ୍ଡସଇଣ୍ଡ ବ୍ୟାଙ୍କ ୦.୪୯ ପ୍ରତିଶତ, ସନ ଫାର୍ମା ୦.୧୭ ପ୍ରତିଶତ ଓଏଚସିଏଲ୍ ଟେକ୍ ସେୟାର୍ ୦.୦୧ ପ୍ରତିଶତ ବୃଦ୍ଧି ପାଇଛି ।

ଗାଜାରେ ହସ୍ପିଟାଲକୁ ବନ୍ଦ କରି ହମାସ୍ ଆତଙ୍କବାଦୀକୁ ଖୋଜୁଛି ଇସ୍ରାଏଲ୍

ଅନ୍ୟପଟେ ସେନସେକ୍ସରେ ବଜାଜ ଫାଇନାନ୍ସର ସେୟାର ୧.୧୪ ପ୍ରତିଶତ, ଏସିଆନ୍ ପେଣ୍ଟ୍ସ ସେୟାର ୦.୭୮ ପ୍ରତିଶତ, ଇନଫୋସିସ୍ ସେୟାର୍ ୦.୭୧ ପ୍ରତିଶତ, ଆଇସିଆଇସିଆଇ ବ୍ୟାଙ୍କ ୦.୬୬ ପ୍ରତିଶତ, ନେସଲେ ସେୟାର୍ ୦.୬୫ ପ୍ରତିଶତ ଖସିଛି ।