ନୂଆଦିଲ୍ଲୀ,୦୪/୦୯: ଟ୍ୟୁସନ କରୁଥିବା ୧୪ ବର୍ଷୀୟ ନାବାଳକ ଛାତ୍ରକୁ ବାରମ୍ବାର ଯୌନ ନିର୍ଯାତନା ଦେବା ଓ ତାର  ଭିଡିଓ ରେକର୍ଡିଂ କରି ବ୍ଲାକମେଲ କରିବା ଜଣେ ଶିକ୍ଷକଙ୍କୁ ମହଙ୍ଗା ପଡିଛି । ଅତିଷ୍ଠ  ହୋଇ ଛାତ୍ର ଜଣକ ଶିକ୍ଷକଙ୍କୁ ଗଳାକାଟି  ହତ୍ୟା କରିଛି । ଏଭଳି ଘଟଣା ରାଜଧାନୀ  ଦିଲ୍ଲୀର ଜାମିଆ ନଗର ଅନ୍ତର୍ଗତ ବାଟଲା ହାଉସ୍‌ ଅଞ୍ଚଳରେ ଘଟିଛି । ପୁଲିସ  ନାବାଳକ ଛାତ୍ରକୁ ଗିରଫ କରିଛି ।  ସେ ହତ୍ୟା କରିଥିବା ସ୍ୱୀକାର କରିଛି ।  

ପୁଲିସ ସୂଚନା ଅନୁସାରେ ହତ୍ୟାର  ଶିକାର ହୋଇଥିବା ୨୮ ବର୍ଷୀୟ ଟ୍ୟୁସନ  ଶିକ୍ଷକଙ୍କ ନାମ ୱାସିମ । ସେ ଜାକିର  ନଗର ଅଞ୍ଚଳରେ ରହୁଥିଲେ । ଦୁଇମାସ  ତଳେ ଛାତ୍ରଙ୍କ ସହ ତାଙ୍କର ପରିଚିତ  ହୋଇଥିଲା । ଟ୍ୟୁସନ ବାହାନାରେ ସେ ଛାତ୍ରଟିକୁ ଅନେକ ସମୟରେ ଯୌନ ନିର୍ଯାତନା ଦେଉଥିଲେ । ଏହାର  ଭିଡିଓ ଭାଇରାଲ କରିବାକୁ ଶିକ୍ଷକ  ଧମକ ଦେଉଥିଲେ । ଏଥିରେ ଅତିଷ୍ଠ  ହୋଇ ଛାତ୍ର ଜଣକ ପେପର କଟର ସହାୟତାରେ ଟ୍ୟୁସନ ଶିକ୍ଷକଙ୍କ ବେକକୁ  କାଟି ହତ୍ୟା କରିଥିବା ସ୍ୱୀକାର କରିଛି ।