ଗରଦପୁର, ୬।୯ : ଗରଦପୁର ବ୍ଲକର ରାଏସର ଖରିସିଆଣ ସରକାରୀ ଉଚ୍ଚ ବିଦ୍ୟାଳୟରେ ମୋ ସ୍କୁଲ ଯୋଜନାରେ ରାତ୍ରି ଜଗୁଆଳି ଓ ଝାଡୁଦାର  ପଦବୀ ନିଯୁକ୍ତି  ହୋଇଥିଲା। ଏହି ନିଯୁକ୍ତିକୁ ହାଇକୋର୍ଟ ରଦ୍ଦ କରିଛନ୍ତି। 

ପ୍ରକାଶ କି ଉକ୍ତ ବିଦ୍ୟାଳୟରେ ରାତ୍ରି ଜଗୁଆଳି ଓ ଝାଡ଼ୁଦାର ପଦବୀ ପାଇଁ ସରକାରଙ୍କ ମୋ ସ୍କୁଲ ଯୋଜନାରେ ଏହି ଗ୍ରାମରେ ଥିବା ସ୍ବୟଂ ସହାୟକ ଗୋଷ୍ଠୀ ମାନେ ଦରଖାସ୍ତ ଆବେଦନ କରିବା ନେଇ ସରକାର ଙ୍କ ପକ୍ଷରୁ ବିଜ୍ଞାପନ ଆହ୍ବାନ କରାଯାଇଥିଲା । ହେଲେ ବ୍ଲକ ପ୍ରଶାସନ ସମେତ ଶିଶୁ ମଙ୍ଗଳ ଅଧିକାରୀ କିମ୍ବା ଶିକ୍ଷା ଅଧିକାରୀ ଉକ୍ତ ବିଜ୍ଞାପନ କୁ ସାର୍ବଜନୀନ କରି ନ ଥିଲେ। ଉକ୍ତ ତିନୋଟି କାର୍ଯ୍ୟାଳୟରେ ଲୁଚାଇ ମାରିଦେବା ସହ ନିୟମ ଅନୁଯାୟୀ ପଞ୍ଚାୟତ କାର୍ଯ୍ୟାଳୟ କିମ୍ବା ସର୍ବସାଧାରଣ ସ୍ଥାନରେ ବିଜ୍ଞାପନ ମାନିନଥିଲେ । ଉକ୍ତ ଗ୍ରାମର ଏକ ସ୍ବୟଂ ସହାୟକ ଗୋଷ୍ଠୀ କୁ ନିଯୁକ୍ତି ଦେଇଥିଲେ। ଗତ ଫେବୃଆରୀ ମାସ ୭ ତାରିଖରୁ ମାସକୁ ୧୦ ହଜାର ୯୮୦ ଟଙ୍କା ଦରମାରେ ରାତ୍ରି ଜଗୁଆଳି  ଓ ଝାଡ଼ୁଦାର ପାଇଁ ୪ ହଜାର ୨୩୮ ଟଙ୍କା ରେ ଉକ୍ତ ଗୋଷ୍ଠୀ ଙ୍କୁ ନିଯୁକ୍ତି ପ୍ରଦାନ କରିଥିଲେ । 

ତେବେ ଏହି ନିଯୁକ୍ତି ବେଆଇନ ଦର୍ଶାଇ ଉକ୍ତ ଗ୍ରାମରେ ଥିବା ରାମେଶ୍ବର ସ୍ବୟଂ ସହାୟକ ଗୋଷ୍ଠୀର ସଂପାଦିକା ରଶ୍ମିତା ପରିଡ଼ା ଗରଦପୁର ବିଡ଼ିଓ ଙ୍କ ସମେତ , ବ୍ଲକ ଶିକ୍ଷା ଅଧିକାରୀ, ଶୁଶୁ ମଙ୍ଗଳ ଅଧିକାରୀ ଙ୍କୁ ଅଭିଯୋଗ କରିଥିଲେ । ହେଲେ ଉକ୍ତ ଅଧିକାରୀ ମାନେ କୌଣସି ପଦକ୍ଷେପ ଗ୍ରହଣ  କରି ନ ଥିଲେ। ପରେ ରଶ୍ମିତା ଜିଲ୍ଲାପାଳ ଙ୍କ ନିକଟରେ ବାରମ୍ବାର ଅଭିଯୋଗ କରିଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନନେବା ପରେ ସେ ବାଧ୍ୟ ହୋଇ ହାଇକୋର୍ ଙ୍କ ଦ୍ଵାରସ୍ଥ ହୋଇଥିଲେ । ହାଇକୋର୍ଟ ଏହି ଅଭିଯୋଗକୁ ବିଚାରକୁ ନେଇ   ଗତ ଅଗଷ୍ଟ ୧୦ ତାରିଖରେ ଉକ୍ତ ନିଯୁକ୍ତିକୁ ରଦ୍ଦ କରିଛନ୍ତି ।

ଆହୁରି ପଢନ୍ତୁ : ପାରିବାରିକ କଳହ : ୩ ବର୍ଷର ଝିଅ ବେକ କାଟିଲା ବାପା