ଦେବଗଡ଼, ୨୭/୧: ଏକ ଘରୋଇ ହୋଟେଲରେ ହାତୀଦାନ୍ତ କାରବାର ପାଇଁ ଡିଲିଂ ଚାଲିଥିବା ବେଳେ ବନ ବିଭାଗ ସ୍କ୍ୱାର୍ଡର ଚଢ଼ଉ । ଚଢ଼ଉରେ ୨ଟି ଦାନ୍ତ ଜବତ କରିବା ସହ ୩ ଜଣଙ୍କୁ ଅଟକ ରଖିଛି । ଅଟକ ରହିଥିବା ସନ୍ଦିଗ୍ଧମାନେ ଦେବଗଡ଼ ଟାଉନର ବିଶିଷ୍ଟ ସୁନା ବ୍ୟବସାୟୀ ସ୍ୱର୍ଗତଃ ଅରଜଲାଲ୍ ସାହୁଙ୍କ ପୁଅ ଶମ୍ଭୁ ପ୍ରେମରାଜ ଓ ପୂର୍ବତନ ନଗରପାଳ ଶୁଶିଲ କପରଦାରଙ୍କ ପୁଅ ବାପି ସମୀର କପରଦାରଙ୍କ ସହ ହରିୟାନା ରାଜ୍ୟରୁ ଆସିଥିବା ଚୋରା ବେପାରୀ ରାଜେଶ କୁମାର ବୋଲି ଜଣାପଡ଼ିଛି । ଜବତ ହୋଇଥିବା ୨ଟି ହାତୀଦାନ୍ତର ଓଜନ ସାଢ଼େ ୮ କିଲୋ ବୋଲି ବନ ବିଭାଗ ସୂଚନା ଦେଇଥିବା ବେଳେ ଏହାର ବଜାର ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ବିଭାଗ କହିଛି । ଅଟକ ଅଭିଯୁକ୍ତଙ୍କୁ ନେଇ ଘଟଣାର ଅଧିକ ତଦନ୍ତ ଚାଲିଛି ।
ଜେଲ୍ରେ ବିଗୁଡ଼ୁଛି ଅରବିନ୍ଦ କେଜ୍ରିଓ୍ବାଲଙ୍କ ସ୍ବାସ...
