କର୍ଲାମୁଣ୍ଡା, ୨୭।୧ : କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଗଜବାହାଲ ପଂଚାୟତ ଅନ୍ତର୍ଗତ କଁଅସିଲ ଗ୍ରାମ ପାଖରେ ନିର୍ମାଣଧୀନ ପାଣିଟାଙ୍କିରେ କାର୍ଯ୍ୟରତ ଜନୈକ ଶ୍ରମିକ ଆତ୍ମହତ୍ୟା ପାଇଁ ଧମକ ଦେଇଛନ୍ତି। ଶ୍ରମିକଙ୍କୁ ଉଦ୍ଧାର ପାଇଁ ପୋଲିସ ଓ ଦମକଳ ବାହିନୀଙ୍କୁ ନାକେଦମ ହେବାକୁ ପଡିଛି। ଶ୍ରମିକ ଜଣକ ପାଣିଟାଙ୍କି ଉପରେ ଚଢି ଧମକ ଦେବାର ୬ ଘଣ୍ଟା ବିତିଯାଇଥିଲେ ମଧ୍ୟ ଉଦ୍ଧାର କରାଯାଇ ପାରି ନାହିଁ। 

ଗଜବାହାଲ ପଂଚାୟତ ଅନ୍ତର୍ଗତ କଁଅସିଲ ଗ୍ରାମ ପାଖରେ ନିର୍ମାଣଧୀନ ପାଣିଟାଙ୍କିରେ ନବରଙ୍ଗପୁର ଜିଲ୍ଲାର ମହେଶ  କାମ କରନ୍ତି। ଶନିବାର ହଠାତ ସେ ପାଣିଟାଙ୍କି ଉପରେ ଚଢିଯାଇ ଆତ୍ମହତ୍ୟା ଧମକ ଦେଇଥିଲେ। ଖବର ପାଇ ଘଟଣାସ୍ଥଳରେ ପୋଲିସ, ଦମକଳ ଓ ଜଙ୍ଗଲ ବିଭାଗର ଅଧିକାରୀ ମାନେ ପହଞ୍ଚିଥିଲେ। ପ୍ରାୟ ୬ ଘଣ୍ଟା ଧରି ଉଦ୍ଧାର ପାଇଁ ଚେଷ୍ଟା ଜାରି ରଖିଥିଲେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ ମହେଶଙ୍କୁ  ଉଦ୍ଧାର କରାଯାଇ ପାରିନାହିଁ l

ଆହୁରି ପଢନ୍ତୁ : କ୍ୟାପିଟାଲ ହସ୍ପିଟାଲରେ ୨୨ ଦିନର ଶିଶୁକୁ ଛାଡ଼ି ବାପା-ମା’ ଫେରାର