ପ୍ରମୁଖ ଖବର
  • ଆଉ ୫ଟି ଲୋକସଭା ଆସନ ଲାଗି ଆପ୍‌ର ପ୍ରାର୍ଥୀ ଘୋଷଣା
  • ||
  • ବଲାଙ୍ଗିର ଭୀମଭୋଇ ମେଡିକାଲରେ ମୃତ ଶବ ଛାଡି ଫେରାର ସମ୍ପର୍କୀୟ,ଟାଉନ ଥାନା ପୋଲିସର ତଦନ୍ତ ଆଇମ୍ଭ
  • ||
  • ମିଶନ ଶକ୍ତି ମହିଳାଙ୍କ ଆକାଉଣ୍ଟକୁ ଗଲା ଟଙ୍କା,୭୩୦ କୋଟିର ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ସୁନ୍ଦରଗଡ଼: ବାଇକ ଚାଳକ ଙ୍କ ଉପରେ ଚଢ଼ିଗଲା ପାଉଁଶ ବୋଝେଇ ଟ୍ରକ,ବାଇକ ଚାଳକର ମୃତ୍ୟୁ
  • ||
  • ପାଲଲହଡ଼ା ଯାଉଥିଲା ରାଧାମାଧବ, ଅଧାରସ୍ତାରେ ଓଲଟିଲା ବସ୍‌
  • ||
  • କୋରାପୁଟ: ନାଲକୋ ଦାମନଯୋଡ଼ିରେ ରଡ଼ ପଶି ଦୁଇ ଶ୍ରମିକ ମୃତ, ଜଣେ ଗୁରୁତର
  • ||
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||

ସେନା ମୁଖ୍ୟଙ୍କୁ ବରଖାସ୍ତ ନେଇ ଖବର ପରେ ୟୁକ୍ରେନ୍‌ରେ ହଇଚଇ, ଦାବିକୁ ଖଣ୍ଡନ କଲେ ରାଷ୍ଟ୍ରପତି

Image Courtesy: tv9hindi

କିଭ୍‌: ୟୁକ୍ରେନ୍‌ର ସେନା ମୁଖ୍ୟ ଭାଲେରି ଜାଲୁଜିନିଙ୍କୁ ପଦରୁ ବରଖାସ୍ତ କରାଯିବା ନେଇ ଖବର ମିଳିବା ପରେ ଦେଶରେ ହଇଚଇ ସୃଷ୍ଟି ହୋଇଛି । ଜାଲୁଜିନିଙ୍କୁ ୟୁରୋପରେ ଆମ୍ବାସଡର କରିବାକୁ ସୁପାରିଶ କରାଯାଇଥିଲା । ହେଲେ ସେ ସ୍ପଷ୍ଟ ଭାବେ ମନା କରିଦେଇଥିଲେ । ଏହା ପରେ ତାଙ୍କୁ ପଦରୁ ହଟାଇ ଦିଆଯାଇଛି ବୋଲି ୟୁକ୍ରେନର ସ୍ଥାନୀୟ ଗଣମାଧ୍ୟମରେ ଖବର ପ୍ରକାଶ ପାଇଥିଲା।   ଏହାରି ମଧ୍ୟରେ ଏହି ଖବର ମିଥ୍ୟା ବୋଲି କହିଛନ୍ତି ୟୁକ୍ରେନ୍‌ ରାଷ୍ଟ୍ରପତି ଭୋଲଦିମିର ଜେଲେନ୍ସକି  ।

ସେପଟେ ଜେଲେନ୍ସକିଙ୍କ ଜଣେ ନିକଟତମ ସାଂସଦଙ୍କ ଅନୁସାରେ, ଜାଲୁଜିନି ନିଜ ଆଡ଼ୁ ଇସ୍ତଫା ଦେଇଛନ୍ତି । ରାଷ୍ଟ୍ରପତି କାର୍ଯ୍ୟାଳୟର ଅନୁମତିକୁ ସେ ଅପେକ୍ଷା କରିଛନ୍ତି । ରାଜଧାନୀ କିଭରେ ତମାମ ଚର୍ଚ୍ଚା ଭିତରେ ରାଷ୍ଟ୍ରପତିଙ୍କ ମୁଖପାତ୍ର ବିଜ୍ଞପ୍ତି ଜାରି କରି କହିଛନ୍ତି ଯେ, ରାଷ୍ଟ୍ରପତି ଜେଲେନ୍ସକି ସେନା ମୁଖ୍ୟଙ୍କୁ ବରଖାସ୍ତ କରିନାହାନ୍ତି । ଗତକାଲି ବିଳମ୍ବିତ ରାତିରେ ନିଜର ସମ୍ବୋଧନରେ ସେନା ପ୍ରମୁଖଙ୍କୁ ବିଦା କରିବା ସଂପର୍କରେ କୌଣସି ସୂଚନା ଦେଇନଥିଲେ ଜେଲେନ୍ସକି । ଏଥିରୁ ଜଣାପଡ଼ିଛି ଯେ, ଜାଲୁଜିନିଙ୍କୁ କିଛି ଦିନ ଲାଗି ଆଶ୍ବସ୍ତି ଦିଆଯାଇଛି । ଏହା ପୂର୍ବରୁ ସାର୍ବାଜୀନନ ସ୍ଥାନରେ ସେନା ମୁଖ୍ୟଙ୍କ ବିରୁଦ୍ଧରେ ଜେଲେନ୍ସକି ନିଜର ଅସନ୍ତୋଷ ପ୍ରକାଶ କରିସାରିଛନ୍ତି ।

ଋଷିଆ ବିରୁଦ୍ଧରେ ୟୁକ୍ରେନର ପ୍ରତିଆକ୍ରମଣ ରଣନୀତି ଫେଲ ହେବା ଲାଗି ସେନା ମୁଖ୍ୟଙ୍କୁ ଦାୟୀ କରାଯାଇଛି । ଜାଲୁଜିନିଙ୍କୁ ଯଦି ବହିଷ୍କାର କରାଯାଏ ତେବେ ଗୁଇନ୍ଦା ବିଭାଗ ମୁଖ୍ୟ କିରିଲ ବୁଡ଼ାନୋଭଙ୍କୁ ୟୁକ୍ରେନ୍‌ ସେନାର ମୁଖ୍ୟ କରିପାରନ୍ତି ଜେଲେନ୍ସକି  । ସେପଟେ ଅସନ୍ତୁଷ୍ଟ ଥିବା ଜାଲୁଜିନି ଶାସନ ପରିବର୍ତ୍ତନ ପାଇଁ ଷଡ଼ଯନ୍ତ୍ର କରିପାରନ୍ତି ବୋଲି ମଧ୍ୟ ଚର୍ଚ୍ଚା ହେଉଛି । ସେନା ଏବଂ ୟୁକ୍ରେନ୍‌ର ଅନେକ ଜନସଂଖ୍ୟା ଜାଲୁଜିନିଙ୍କୁ ସମର୍ଥନ କରନ୍ତି । ଏପରିକି କେତେକ ପାଶ୍ଚାତ୍ୟ ରାଷ୍ଟ୍ର ଜେଲେନ୍ସକିଙ୍କ ସ୍ଥାନରେ ୟୁକ୍ରେନ୍‌ର ରାଷ୍ଟ୍ରପତି ଭାବେ ଜାଲୁଜିନିଙ୍କୁ ଦେଖିବାକୁ ଚାହୁଁଥିବା ଶୁଣିବାକୁ ମିଳୁଛି ।

  • Russia
  • Ukraine
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.