ଗଜପତି, ୨୮।୧୧ ରାୟଗଡା-ଗଜପତି ଜିଲ୍ଲା ସୀମାନ୍ତ ରେ ମହାବଳ ବାଘ ଆତଙ୍କ ଦେଖାଦେଇଛି।ପ୍ରଥମେ ଆନ୍ଧ୍ର ପରେ ଗଜପତି ଜିଲ୍ଲାରେ କିଛି ଦିନ ଧରି ଆର, ଉଦୟଗିରି ଅଞ୍ଚଳ ରେ ଏହି ବାଘ ର ଆତଙ୍କ ଦେଖାଦେଇଥିଲା । ଗଜପତି ବନ ବିଭାଗ ଏହି ବାଘକୁ ନେଇ ଜଙ୍ଗଲ ର ବିଭିନ୍ନ ସ୍ଥାନରେ ଟ୍ରାପ୍ କ୍ୟାମେରାରେ ଫଟୋ କଏଦ୍ ହୋଇଥିବା ସୁଚନା ଦେଇଥିଲେ। 

ସୋମବାର ସଂନ୍ଧ୍ୟାରେ ଏହି ମହାବଳ ବାଘ ଗଜପତିର ଆର୍ ଉଦୟଗିରି ସୀମା ଅତିକ୍ରମ କରି ରାୟଗଡା ସୀମା ମଧ୍ୟରେ ବାଘ ପ୍ରବେଶ କରିଥିବା ଗଜପତି ବନ ବିଭାଗ ଅନୁମାନ କରିଛି। ଗଜପତି ବନ ବିଭାଗ ଏନେଇ ଗୁଣପୁର ରେଞ୍ଜକୁ ସୂଚନା ଦେଇଛି। ଗୁଣପୁର ରେଞ୍ଜ  ବନ ବିଭାଗ ସୂଚନା ପାଇବା ପରେ ରାୟଗଡା ଓ ଗଜପତି ସୀମାରେ ଥିବା ପଦ୍ମପୁର, ଡଲମା,ତବଲାଗୁଡା,ତର୍ପାଗୁଡା,ଲିକିଟି ପଦର ପାହାଡିଆ ଅଞ୍ଚଳ ରେ ଥିବା ଗ୍ରାମ ଗୁଡିକୁ ସଜାଗ କରାଇଛି ବନବିଭାଗ। ଗାଈ , ଛେଳି, ଲୋକ ନିଜେ ରାତ୍ରିରେ ସୁରକ୍ଷିତ ରହିବା ପାଇଁ ଡାକ ବାଜି ଯନ୍ତ୍ର ଦ୍ବାରା ସଜାଗ କରି ଥିବା ଜଣାପଡ଼ିଛି । ପଦ୍ମପୁର ବନପାଳ ମାଝି ମହାପାତ୍ର ଓ  କିଛି ବନ ବିଭାଗ କର୍ମଚାରୀ ମାନେ ଲୋକଙ୍କୁ ସଜାଗ କରିଛନ୍ତି। ବାଘ ଭୟ କୁ ନେଇ ପାହାଡିଆ ଅଞ୍ଚଳ ର ଗ୍ରାମବାସୀ ଭୟଭୀତ ଥିବା ଜଣାପଡିଛି।

 ଗଜପତି ବନବିଭାଗର ସୂଚନା ପରେ ଗୁଣପୁର ବନବିଭାଗ ସଜାଗ ରହି ଗ୍ରାମାଞ୍ଚଳ ଲୋକଙ୍କୁ ସୁରକ୍ଷିତ ରହିବାକୁ ନିର୍ଦେଶ ଦେଇଛନ୍ତି।  ମଙ୍ଗଳବାର ମିଲିକା ପଙ୍ଗା ରେ ଏକ ପାଦ ଚିହ୍ନ ଦେଖିବାକୁ ମିଳିଥିଲା | ଘଟଣା ସ୍ଥଳ କୁ ରାୟଗଡା ଏ ସି ଏଫ୍ ସନ୍ଦୀପ ପୃଷ୍ଟି ଗୁଡାରୀ ରେଞ୍ଜର ଦିଲୀପ କୁମାର ପଟ୍ଟନାୟକ ସମେତ ବନ ବିଭାଗ କର୍ମଚାରୀ ଯାଇ ଅନୁଧ୍ୟାନ କରି ଥିଲେ | ପରେ ଗୁଡାରୀ - ଚନ୍ଦ୍ରପୁର ସୀମାନ୍ତ ବେଲାମଗୁଡା, ଅନ୍ଧାର ଲିମା, ବୋରି ପଦର ବୁଲି ଅନୁଧ୍ୟାନ କରିଥିଲେ | ବୋରି ପଦର ରେ ବାଘ ର ପାଦ ଚିହ୍ନ ମଧ୍ଯ ବନ ବିଭାଗ ଦେଖିବାକୁ ପାଇଥିଲେ | ତେବେ ଗୁଡାରୀ ସୀମା ପାର ହୋଇ ଚନ୍ଦ୍ରପୁର ପଟ କୁ ବାଘ ଚାଲି ଯାଇଥିବା  ଅନୁମାନ କରାଯାଉଛି ବୋଲି ଗୁଡାରୀ ରେଞ୍ଜର ଦିଲୀପ କୁମାର ପଟ୍ଟନାୟକ  କହିଛନ୍ତି।