ଭୁବନେଶ୍ବର, ୧୧।୯  କେନ୍ଦୁଝରର ଦକ୍ଷତା ବିକାଶ କେନ୍ଦ୍ରରେ ପ୍ରଥମ ବ୍ୟାଚ୍ ଛାତ୍ରଛାତ୍ରୀ ମାନଙ୍କ ପାଇଁ ତାଲିମ କାର୍ଯ୍ୟକ୍ରମ ଆରମ୍ଭ ହୋଇଛି | ପ୍ରଥମ ପର୍ଯ୍ୟାୟରେ ପ୍ରାୟ ୧୮୦ ଛାତ୍ରଛାତ୍ରୀ  ଏହି ପ୍ରଶିକ୍ଷଣ ପାଇଁ  ଆଡମିଶନ ନେଇଛନ୍ତି। ଏହି କାର୍ଯ୍ୟକ୍ରମ ଓଡିଶା ଅପ୍ ସ୍କିଲିଂ ଏବଂ ପ୍ଲେସମେଣ୍ଟ୍ ପ୍ରୋଗ୍ରାମ୍ ଅଧୀନରେ ଚାଲିଛି ।

୫ଟି ସଚିବ ଭି.କେ ପାଣ୍ଡିଆନ୍ ଡିଜିଟାଲ୍ ପ୍ଲାଟଫର୍ମରେ ‌ଯୋଗ   ଦେଇ   ଛାତ୍ରଛାତ୍ରୀଙ୍କ ସହ ଭାବ ବିନିମୟ କରିଥିଲେ। ସେମାନଙ୍କୁ ବିଶ୍ୱରେ ଶ୍ରେଷ୍ଠ ହେବାକୁ  ପରାମର୍ଶ ଦେଇଥିଲେ।  ଓଡ଼ିଶା ସରକାର ଆପଣଙ୍କ ପାଇଁ ଏହି ତାଲିମ କାର୍ଯ୍ୟକ୍ରମ ଆୟୋଜନ କରିଛନ୍ତି। ତେଣୁ ଆପଣ ଯେଉଁ  ଜାଗାରେ ଏବଂ ଯେଉଁ ଦେଶରେ ରୁହନ୍ତୁ ନା କାହିଁକି ଯେତେବେଳେ ବି ଆପଣ ଓଡିଶାର ସେବା କରିବାର ସୁଯୋଗ ପାଇବେ ସେତେବେଳେ ଦୟାକରି ସେବା କରିବେ ବୋଲି କହିଛନ୍ତି।  

ଏହି କାର୍ଯ୍ୟକ୍ରମଟି ପ୍ରଥମ ପର୍ଯ୍ୟାୟରେ କେଉଁଝର  ଜିଲ୍ଲାରେ ଆରମ୍ଭ ହୋଇଛି।  ଟେକ୍ ମହିନ୍ଦ୍ରା ଲିମିଟେଡ୍ ଟ୍ରେନିଂ ପାର୍ଟନର ଏବଂ ଟାଟା ଷ୍ଟିଲ୍ ଫାଉଣ୍ଡେସନ୍ ସ୍କିଲିଂ ପାର୍ଟନର ଭାବେ କାର୍ଯ୍ୟ   କରୁଛି। 

ଆହୁରି ପଢନ୍ତୁ : ୫-ଟି ସଚିବଙ୍କ ଯାଜପୁର ଗସ୍ତ : ମେଗା ପାନୀୟ ଜଳ ପ୍ରକଳ୍ପ କାର୍ଯ୍ୟର କଲେ ସମୀକ୍ଷା