ନୀଳଗିରି,୩୦/୧୧: ବନ୍ୟଜନ୍ତୁଙ୍କ ମଧ୍ୟରେ ସମନ୍ବୟ ରକ୍ଷା କରିବା ପାଇଁ ଆଜି ଗଜସାଥୀଙ୍କୁ ମିଳିଲା ପ୍ରଶିକ୍ଷଣ। ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗର ନିର୍ଦ୍ଦେଶ କ୍ରମେ ଆଜି ନୀଳଗିରି ବନବିଭାଗ କାର୍ଯ୍ୟାଳୟରେ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଛି । ନୀଳଗିରି ରେଞ୍ଜର ଆଇସା ନିଶା ଗଜସାଥୀ ମାନଙ୍କୁ ତାଲିମ ଦେଇଥିଲେ । ଧାନ ଅମଳ ପକ୍ରିୟା ଜାରି ରହିଥିବା ବେଳେ ଝାଡ଼ଖଣ୍ଡ ହାତୀ ଓ କୁଳଡିହା ହାତୀ ମାନେ କିପରି ଉପଦ୍ରଵ କରି ନପାରିବେ ଏନେଇ ବିଶଦ ଆଲୋଚନା କରିଥିଲେ। ହାତୀମାନେ କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନକରନ୍ତି ଓ ତାଙ୍କର ସୁରକ୍ଷା ସହିତ ଗାଁ ସୁରକ୍ଷା କରିବା ନେଇ ତାଲିମ ଦିଆଯାଇଛି । ସେହିପରି ଜଙ୍ଗଲକୁ ନିଆଁ ଲାଗିବାରୁ  ରୋକିବା ପାଇଁ ଲୋକମାନଙ୍କୁ ସଚେତନ କରିବା,ବନ୍ୟଜନ୍ତୁ ଓ ମଣିଷଙ୍କ ମଧ୍ୟରେ ସମନ୍ବୟ ରକ୍ଷା କରିବା ସେ ଦିଗରେ ଗଜସାଥୀ ମାନଙ୍କୁ ପ୍ରଶିକ୍ଷଣ ପ୍ରଦାନ କରିଥିଲେ । ଶେଷରେ ଉପସ୍ଥିତ ଥିବା ୧୫ ଟି ଭିଏସର ୭୫ ଜଣ ଗଜସାଥୀଙ୍କୁ ପାଣି ବୋତଲ, ପୋଷାକ ପ୍ରଦାନ କରାଯାଇଥିଲା ।