ଦଶପଲ୍ଲା, ୨୭/୧: ଦଶପଲ୍ଲା ବ୍ଲକ ବାଣୀଗୋଛା ଥାନା ଶାଳଭଙ୍ଗା ନିକଟରେ ଟ୍ରକ୍ ବସ ମୁହାଁମୁହିଁ ଧକ୍କା । ଦୁର୍ଗଟଣାରେ ୧୧ରୁ ଅଧିକ ଗୁରୁତର ହୋଇଥିବା ବେଳେ ୩ଜଣଙ୍କର ମୃତ୍ୟୁ ହୋଇଥିବା ସୂଚନା । ଦଶପଲ୍ଲାର ଏକ ଘରୋଇ ଶିକ୍ଷାନୁଷ୍ଠାନ ଦେବିସ୍ ଟିଉଟରିଆଲ ଛାତ୍ରଛାତ୍ରୀମାନେ ଟୁରିଷ୍ଟ ଯାଉଥିବା ବେଳେ ଏଭଳି ଭୟଙ୍କର ଦୁର୍ଘଟଣା ଘଟିଥିବା ଜଣାପଡ଼ିଛି । ବସ୍ ଭିତରେ ୫୦ରୁ ଅଧିକ ଯାତ୍ରୀ ଥିବା ବେଳେ ୧୨ ଜଣ ଦଶପଲ୍ଲା ମେଡିକାଲରେ ଭର୍ତ୍ତି ହୋଇଥିଲେ । 

ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଦଶପଲ୍ଲା ମେଡିକାଲରୁ ୫ ଜଣଙ୍କ ଅବସ୍ଥା ଗୁରୁତର ହେବାରୁ ସମସ୍ତଙ୍କୁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା । ଯିବା ବାଟରେ ଜଣଙ୍କର ମୃତ୍ୟୁ ହୋଇଥିଲା । ମୃତକ ୩ ଜଣ ହେଲେ ଟାଙ୍ଗିଆ ପଲ୍ଲୀର ଚିନ୍ମୟୀ ପ୍ରିୟଦର୍ଶିନୀ, ଟାକରାର ଅମ୍ରିତା ସାହୁ ଓ ଖଜୁରୀପଡ଼ାର ଲୋପାମୁଦ୍ରା ପ୍ରଧାନ । ମୃତ ୩ ଜଣ ଦଶମ ଶ୍ରେଣୀର ଛାତ୍ରୀ ବୋଲି ସୂଚନା ।