ବୌଦ୍ଧ, ୬।୦୨: ବୌଦ୍ଧ ଜିଲ୍ଲା ଥାନାରେ ଦୁଇ ମହିଳା ମଓବାଦୀ ଆତ୍ମସମର୍ପଣ କରିଥିବା ସୂଚନା । ଏହି ଦୁଇ ମହିଳା ହେଲେ ୨୧ ବର୍ଷୀୟ ମନିଷା ଥାତି ଓ ୨୨ ବର୍ଷୀୟ ଚମ୍ପା କୋରମ୍ ସଜନ୍ତି । ଏମାନେ କଳାହାଣ୍ଡି, କନ୍ଧମାଳ, ବୌଦ୍ଧ, ନୟାଗଡ଼ର ଡିଭିଜନ୍‌ରେ ସକ୍ରିୟ ଥିବା କେକେବିଏନ୍‌ ମାଓ ସଙ୍ଗଠନର ବୋଲି ଜଣାପଡ଼ିଛି । ଉଭୟେ ୨୦୧୮ରୁ ଦୀର୍ଘ ୫ ବର୍ଷ ଧରି ଉଭୟେ ଏହି ସଙ୍ଗଠନ ପାଇଁ କାମ କରିଆସୁଥିଲେ । ଏମାନେ ଛତିଶଗଡ଼ ବିଜାପୁର ଅଞ୍ଚଳର । ବିଗତ ୬ ମାସ ଧରି ବୌଦ୍ଧ, କନ୍ଧମାଳ, ଅଞ୍ଚଳରେ ସକ୍ରିୟ ଅଛି କେକେବିଅନ୍‌ ମାଓ ଡିଭିଜନ୍ । ମାଓ ସଙ୍ଗଠନରେ ରହିବା ପରେ ସମୟ କ୍ରମେ ସେମାନେ ମାନସିକ ଭାବେ ବିଚଳିତ ରହୁଥିବା ପ୍ରକାସ କରିଛନ୍ତି । 

ସଙ୍ଗଠନର ଅନ୍ୟ ସିନିୟର୍ ମହିଳା ମାଓବାଦୀ ତାଙ୍କୁ ନିର୍ଯାତନା ଦେବା ସହ ମିଛ ପ୍ରଲୋଭନ ଦେଖାଇ ସଙ୍ଗଠନରେ ଭର୍ତ୍ତି କରିଥିବା ସେ କହିଛନ୍ତି । ଉଭୟଙ୍କୁ ପଚରାଉଚରା କରାଯିବା ପରେ ଗତ ୨ ମାସ ମଧ୍ୟରେ ଛତଶଗଡ଼ରର ୧୦ରୁ ୧୨ ଜଣ ମହିଳା ମଧ୍ୟ ଏହି କ୍ୟାମ୍ପରୁ ବାହାରି ଯାଇଥିବା ସେମାନେ କହିଥିଲେ । ତେବେ ସେହି ମହିଳାମାନଙ୍କୁ ସନ୍ଧାନ କରୁଥିବା ପୋଲିସ କହିଛି । ଆତ୍ମସମର୍ପଣ କରିଥିବା ଏହି ଦୁଇ ମହିଳା ମାଓବାଦୀ ସଙ୍ଗଠନରେ ଚାଲୁଥିବା ନିଶାଦ୍ରବ୍ୟର ଚାଲାଣ ଉପରେ ମଧ୍ୟ ସୂଚନା ଦେଇଛନ୍ତି । ଉଭୟଙ୍କୁ ସରକାରୀ ଯୋଜନା ଅନ୍ତର୍ଗତ ରହିବାକୁ ବାସଗୃହ, ଶିକ୍ଷା, ଆର୍ଥିକ ସହାୟତା ଆଦି ଦିଆଯିବା ନେଇ ବୌଦ୍ଧ ଏସ୍‌ପି ସୂଚନା ଦେଇଛନ୍ତି । ଉଭୟେ ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ଆତ୍ମ ସମର୍ପଣ କରିଥିବା କହିଛନ୍ତି ।