ଲଣ୍ଡନ – ରୁଷ୍ର ୱାଗନର ଗ୍ରୁପ୍କୁ ବ୍ରିଟେନ ଆତଙ୍କୀ ସଙ୍ଗଠନ ଘୋଷିତ କରିଛି। କିଛି ଦିନ ପୂର୍ବେ ପ୍ଲେନ କ୍ରାଶରେ ନିଜର ଚିଫ୍ଙ୍କୁ ହରାଇବା ଥିବା ଏହି ଗ୍ରୁପ୍ର ସାମନାରେ ଏହି ନୂଆ ସମସ୍ୟା ଆସି ଠିଆ ହୋଇଛି। କହି ରଖୁଛୁ କି, ୱାଗନର ଗ୍ରୁପ୍ କେବେ ରୁଷୀୟ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଖୁବ୍ ନିକଟତର ଥିଲା। ୟୁକ୍ରେନ୍ ବିରୋଧରେ ରୁଷ୍ର ଲଢେଇରେ ଏହି ପ୍ରାଇଭେଟ୍ ଆର୍ମି ତାଙ୍କ ସପକ୍ଷରେ ଥିଲା। ଜାନୁୟାରୀରେ ଏହି ଗ୍ରୁପ୍ର ମୁଖିଆ ୟେଭେଗନି ପ୍ରିଗୋଝିନ, ୟୁକ୍ରେନରେ ଡୋନେଟସ୍କ ଅଞ୍ଚଳର ନମକ-ସୋଲେଡର ସହରକୁ କବଜା କରିବାର ପୂରା ଶ୍ରେୟ ନେଇଥିଲେ। କିନ୍ତୁ ୟୁକ୍ରେନରେ ତାଙ୍କର ମୁଖିଆ ୟେଭେଗେନି ପ୍ରିଗୋଝିନ ବିଦ୍ରୋହ କରି ଦେଇ ଥିଲେ। ହେଲେ ଖୁବ୍ ଶୀଘ୍ର ସେ ପୁଣି ରୁଷ୍ ସାମନାରେ ମୁଣ୍ଡ ନୁଆଁଇ ଥିଲେ ଏବଂ କ୍ଷମା ମାଗିଥିଲେ। କୁହାଯାଉଥିଲା କି,ଏହାପରେ ୱାଗନର ଗ୍ରୁପ୍ର ବିଦ୍ରୋହକୁ କ୍ଷମା ମିଳିଯିବ। କିନ୍ତୁ କିଛି ଦିନ ପରେ ପ୍ରିଗୋଝିନଙ୍କ କ୍ରାସ୍ରେ ମୃତ୍ୟୁ ହୋଇ ଯାଇଥିଲା।
ପିଏମସି ୱାଗନର କୁହାଯାଉ ଥିବା ଏହି ଗ୍ରୁପ୍ ଏକ ରୁଷୀୟ ଅର୍ଦ୍ଧସୈନିକ ସଙ୍ଗଠନ। ଏହା ଏକ ପ୍ରାଇଭେଟ୍ ମିଲିଟାରୀ କମ୍ପାନୀ , ଯେଉଁଥିରେ ଭଡ଼ା ସୈନିକ ଅଛନ୍ତି। ଏହା ଉପରେ ରୁଷ୍ର କୌଣସି ଆଇନ ଲାଗୁ ହୋଇ ନଥାଏ। ଆରମ୍ଭରେ ଏହି ସଙ୍ଗଠନ ଲୁକାୟିତ ଭାବେ ଥିଲା , କିନ୍ତୁ ପ୍ରଥମ ଥର ୨୦୧୪ ରେ ଏହା ଚର୍ଚ୍ଚାକୁ ଆସିଥିଲା। ସେତେବେଳେ ୨୦୧୪ରେ ପୂର୍ବୀୟ ୟୁକ୍ରେନରେ ସଂଘର୍ଷ ବେଳେ ଏହାର ନାଁ ଆସିଥିଲା। ଏହି ପ୍ରାଇଭେଟ୍ ମିଲିଟାରୀ ସଙ୍ଗଠନ ୟୁକ୍ରେନ ଅଭିଯାନର ଏକ ପ୍ରମୁଖ ସଦସ୍ୟ ଥିଲା ।
