ନୂଆଦିଲ୍ଲୀ, ୦୮/୦୯: ସହଜ ଓ ଶସ୍ତା ହେବ ବ୍ୟବସାୟ । ଆମେରିକା, ସାଉଦି ଆରବ ଓ ଭାରତ ମଧ୍ୟରେ ରେଳ ଓ ବନ୍ଦର ଯୋଗାଯୋଗ ହୋଇପାରେ । ରୟଟର୍ସ ଅନୁସାରେ, ଏହି ବୁଝାମଣା ହେଲେ ମଧ୍ୟପ୍ରାଚ୍ୟ ସହ ଏସିଆ ମହାଦେଶର ଦେଶଗୁଡ଼ିକର ବାଣିଜ୍ୟ ସୁବ୍ୟବସ୍ଥିତ ହୋଇ ପାରିବ । ଏହି ଡିଲରେ ୟୁଏଇ ଓ ୟୁରୋପ୍ ମଧ୍ୟ ସାମିଲ୍ ହୋଇଛନ୍ତି । କୁହାଯାଉଛି ଜି୨୦ ବୈଠକରେ ଏହା ଉପରେ ଆଲୋଚନା ହେବ । 

ଦିଲ୍ଲୀରେ ଜ୨୦ ବୈଠକ ପାଇଁ ଆଜି ସନ୍ଧ୍ୟାରେ ପହଞ୍ଚିବେ ଆମେରିକା ରାଷ୍ଟ୍ରପତି ଜୋ ବାଇଡେନ୍ । ବାଇଡେନ୍ ଦିଲ୍ଲୀ ପହଞ୍ଚିବା ପରେ ପିଏମ୍ ମୋଦୀଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ । ସାଉଦି ଆରବର କ୍ରାଉନ୍ସ ପ୍ରିନ୍ସ ମୋହମ୍ମଦ ବିନ୍ ସଲମାନ ମଧ୍ୟ ପିଏମ୍ ମୋଦୀଙ୍କୁ ଭେଟିବେ । ଏହି ସମୟରେ ବାଣିଜ୍ୟ ଯୋଗାଯୋଗକୁ ନେଇ ଚର୍ଚ୍ଚା ହୋଇପାରେ ।

G୨୦ ସମ୍ମିଳନୀ ଅବସରରେ ୧୫ ଦେଶ ସହ ଦ୍ୱିପାକ୍ଷିକ ଆଲୋଚନା କରିବେ ପିଏମ୍ ମୋଦୀ

ରିପୋର୍ଟରେ କୁହାଯାଇଛି, ଚୀନର ବେଲ୍ଟ ଆଣ୍ଡ ରୋଡ୍ ଗ୍ଲୋବାଲ୍ ଇନଫ୍ରାଷ୍ଟ୍ରକ୍ଚରକୁ ଟକ୍କର ଦେବା ଲାଗି ଆମେରିକା ରାଷ୍ଟ୍ରପତି ବାଇଡେନ୍ ଜି୨୦ରେ ବିକାଶଶୀଳ ଦେଶ ବିଶେଷ କରି ଇଣ୍ଡୋ-ପେସିଫିକ୍ ଅଞ୍ଚଳରେ ଏକ ବିକଳ୍ପ ଭାଗିଦାରୀ ଓ ନିବେଶକ ଭାବେ ଉପସ୍ଥାପନ କରି ପାରନ୍ତି ।

ଏବେ ବାଇଡେନ୍ ପ୍ରଶାସନ ମଧ୍ୟପ୍ରାଚ୍ୟରେ ଏକ ବ୍ୟାପକ କୂଟନୈତିକ ବୁଝାମଣା ଅପେକ୍ଷାରେ ରହିଛି । ଯାହା ପ୍ରକାରେ, ସାଉଦି ଆରବ ଓ ଇସ୍ରାଏଲକୁ ଆମେରିକା ମାନ୍ୟତା ଦେଇପାରେ । ଆମେରିକା ଅଧିକାରୀଙ୍କ ଅନୁସାରେ, ଭିତ୍ତିଭୂମିକୁ ନେଇ ଏହି ବୁଝାମଣା ସଫଳ ହେଲେ ସମୁଦ୍ର ପଥରେ ପରିବହନ ସମୟ, ଖର୍ଚ୍ଚ ସହ ଡିଜେଲର ବ୍ୟବହାର କମିବ । ଏଥିସହ ବାଣିଜ୍ୟ ଶସ୍ତା ହେବ ।

ରାଜନୀତିର ମାପକାଠି ଏବେ ପରିବାରବାଦ: ସକ୍ରିୟ ଅଛନ୍ତି ୩୫, ଆଗାମୀ ନିର୍ବାଚନରେ ଭାଗ୍ୟ ପରୀକ୍ଷା ପାଇଁ ଧାଡ଼ିରେ ୫୦ରୁ ଅଧିକ ଦାୟାଦ