ନୂଆଦିଲ୍ଲୀ,୧/୨ : ଭାରତୀୟ ଟିମ୍କୁ ଇଂଲଣ୍ଡ ବିପକ୍ଷ ଜାରି ୫ମ୍ୟାଚ ଟେଷ୍ଟର ଦ୍ବିତୀୟ ମ୍ୟାଚ୍ ପୂର୍ବରୁ ଦ୍ବିତୀୟ ଆଘାତ ଲାଗିଛି । ଭାରତ ଷ୍ଟାର ବ୍ୟାଟର ବିରାଟ କୋହଲୀ ଏବଂ ଅଲରାଉଣ୍ଡର ରବିନ୍ଦ୍ର ଜାଡେଜାଙ୍କ ତୃତୀୟ ଟେଷ୍ଟରୁ ବାହାର ହେବା ପ୍ରାୟ ନିଶ୍ଚିତ । ଏବେ ସିରିଜର ଶେଷ ୩ଟେଷ୍ଟ ଲାଗି ବିସିସିଆଇକୁ ଭାରତୀୟ ସ୍କ୍ବାଡ଼ର ଘୋଷଣା କରିବା ବାକି ଅଛି ।
ଶେଷ ୩ଟେଷ୍ଟ ଲାଗି ଟିମରେ କାହାକୁ ନିଆଯିବ ଏହା ଅଜିତ ଅଗରକରଙ୍କ ସିଲେକ୍ଶନ କମିଟି ଲାଗି ବଡ଼ ଚିନ୍ତାର କଥା ହେବ । ଜାଡେଜା ଏବଂ କୋହଲୀଙ୍କ ଅନୁପସ୍ଥିତିରେ ଟିମ୍ ଇଣ୍ଡିଆ ବହୁତ କମଜୋର ହୋଇପାରେ । ଭାରତ ପ୍ରଥମ ମ୍ୟାଚ୍ ହାରି ସିରଜ ୦-୧ରେ ପଛରେ ଚାଲୁଛି ଏବଂ ଏବେ କୋହଲୀ ଓ ଜାଡେଜା ବାହାର ହେବାର ଖବର ଚିନ୍ତାର ବିଷୟ । ମାତ୍ର ଏବେ ଅଫିସିଆଲ କୌଣସି ଏହାକୁ ନେଇ ସୂଚନା ଦିଆଯାଇନାହିଁ ।
ବିରାଟ କୋହଲୀଙ୍କୁ ଟେଷ୍ଟ ସିରିଜର ଆରମ୍ଭରୁ ଦୁଇ ଟେଷ୍ଟ ଲାଗି ଭାରତୀୟ ସ୍କ୍ବାର୍ଡ଼ରେ ସାମିଲ କରାଯାଇଥିଲା । କିନ୍ତୁ ପ୍ରଥମ ମୁକାବିଲା ଆରମ୍ଭ ପୂର୍ବରୁ କୋହଲୀ ଦୁଇଟି ମ୍ୟାଚ୍ ପୂର୍ବରୁ ନିଜ ନାଁ ଫେରସ୍ତ ନେଇଥିଲେ । ବିସିସିଆଇ କୋହଲୀଙ୍କ ବିଷୟରେ ସୂଚନା ଦେଇ କହିଛି କି ବିରାଟ ନିଜସ୍ବ କାରଣରୁ ଟେଷ୍ଟ ସିରିଜର ଆରମ୍ଭ ଦୁଇଟି ମ୍ୟାଚରୁ ନିଜ ନାଁ ଫେରସ୍ତ ନେଇ ଯାଇଛନ୍ତି । ମାତ୍ର ଏହା ସ୍ପଷ୍ଟ କରାଯାଇନଥିଲା କି ସେ ସିରିଜର ବାକି ଟେଷ୍ଟ ଲାଗି ଉପଲବ୍ଧ ରହିବେ କି ରହିବେନି ।
