ଭୁବନେଶ୍ୱର,୦୩/୦୩: ରବିବାର ୭ଟି ଜିଲ୍ଲାରେ  ହାଲୁକା ବର୍ଷା ସହ ଘଡ଼ଘଡ଼ି  ହେବାର ସମ୍ଭାବନା ଥିବା ନେଇ ପାଣିପାଗ ବିଭାଗ ପୂର୍ବାନୁମାନ  କରିଛି । ତଥାପି ଆସନ୍ତା ଦୁଇ  ଦିନରେ ଦିନ ତାପମାତ୍ରା ପ୍ରାୟ  ଦୁଇ ଡିଗ୍ରୀ ବଢ଼ିବ ବୋଲି  ଆକଳନ ହୋଇଛି । 

ଶନିବାର ୧୩ ସହରର  ତାପମାତ୍ରା ୩୫ ଡିଗ୍ରୀ ଉପରେ  ଥିଲା । ଭୁବନେଶ୍ୱରରେ ୩୬.୮  ଓ ବଲାଙ୍ଗୀରରେ ୩୬.୭ ଡିଗ୍ରୀ  ରେକର୍ଡ ହୋଇଛି । ନୟାଗଡ଼ରେ  ୩୬.୫, ସୋନପୁରରେ ୩୬.୨,  ଟିଟିଲାଗଡ଼ ଓ ଭବାନୀପାଟଣାରେ  ୩୬ ଡିଗ୍ରୀ ରେକର୍ଡ ହୋଇଛି । ଢେଙ୍କାନାଳରେ ୩୫.୭,  ଜଗତ୍‌ସିଂହପୁରରେ ୩୫.୫,  ରାୟଗଡ଼ାରେ ୩୫.୪, ବୌଦ୍ଧରେ  ୩୫.୨ ଡିଗ୍ରୀ ରେକର୍ଡ ହୋଇଛି । 

୩ ତାରିଖରେ ଝାରସୁଗୁଡ଼ା, ସୁନ୍ଦରଗଡ଼, କେନ୍ଦୁଝର, ବରଗଡ଼,  ସମ୍ବଲପୁର, ମୟୂରଭଞ୍ଜ ଓ  ବାଲେଶ୍ୱର ଜିଲ୍ଲାରେ ହାଲୁକା ବର୍ଷା  ସମ୍ଭାବନା ଅଛି । କିଛି ସ୍ଥାନରେ  ଘଡ଼ଘଡ଼ି ହୋଇପାରେ । ୪ରେ  ମୟୂରଭଞ୍ଜ ଓ ବାଲେଶ୍ୱରରେ ବର୍ଷା  ହୋଇପାରେ ବୋଲି ପାଣିପାଗ  ବିଭାଗ ପୂର୍ବାନୁମାନ କରିଛି ।