ନୂଆଦିଲ୍ଲୀ ୧୩/୧୧: ତ୍ୱଚା ଏବଂ ଚେହେରା ପ୍ରତି ଏବେ ଅନେକ ଲୋକ ଯତ୍ନବାନ ହେଲେଣି । ବିଭିନ୍ନ ପ୍ରକାର ସ୍କିନ୍ କେୟାର ପ୍ରଡକ୍ଟ ବ୍ୟବହାର କରିବା ସହିତ ଘରୋଇ ଉପଚାରର ମଧ୍ୟ ସାହାଯ୍ୟ ନେଉଛନ୍ତି । ତେବେ ଆଜିକାଲି ଅନେକ ଲୋକ ତ୍ୱଚାର ଯତ୍ନ ରଖିବା ପାଇଁ ଡର୍ମା ହ୍ୟାକିଙ୍ଗ୍ର ସାହାରା ନେଉଛନ୍ତି । ସୁନ୍ଦର ଏବଂ ଆକର୍ଷଣୀୟ ତ୍ୱଚା ପାଇବା ପାଇଁ ଡର୍ମା ହ୍ୟାକିଙ୍ଗ୍ ଅନୁସରଣ କରୁଛନ୍ତି । ହେଲେ ଏହି ଡର୍ମା ହ୍ୟାକିଙ୍ଗ୍ କ’ଣ ଜାଣିଛନ୍ତି?
ଡର୍ମା ହ୍ୟାକିଙ୍ଗ୍କୁ ସ୍କିନ୍ ହ୍ୟାକିଙ୍ଗ୍ ଏବଂ ସ୍କିନିଙ୍ଗ୍ ମଧ୍ୟ କୁହାଯାଇଥାଏ । ବିଭିନ୍ନ ପ୍ରକାର ଉପାୟରେ ତ୍ୱଚାକୁ ସୁରକ୍ଷା ଦେବାକୁ କୁହାଯାଇଥାଏ ଡର୍ମା ହ୍ୟାକିଙ୍ଗ୍ । ଏଥିରେ ତ୍ୱଚାକୁ ସୁରକ୍ଷା କିମ୍ବା ଯତ୍ନରେ ରଖିବା ପାଇଁ ଘରୋଇ ଉପଚାର ସମେତ ପ୍ରଶିକ୍ଷିତ ଡର୍ମାଟୋଲୋଜିଷ୍ଟମାନଙ୍କ ଦ୍ୱାରା କରାଯାଉଥିବା ଅଧିକ ଉନ୍ନତ ପ୍ରକ୍ରିୟା ମଧ୍ୟ ସାମିଲ୍ ହୋଇଥାଏ । ବ୍ରଣ ସମସ୍ୟା, ତ୍ୱଚା କୁଞ୍ଚନ, ଦାଗ, ତ୍ୱଚାକୁ ସଫା ରଖିବା, ଚେହେରାକୁ ଅଧିକ ସୌନ୍ଦର୍ଯ୍ୟ କରିବା ପାଇଁ ଲେଜର ଉପଚାର ମଧ୍ୟ ଡର୍ମା ହ୍ୟାକିଙ୍ଗ୍ର ଅଂଶ ହୋଇଥାଏ ।
ତ୍ୱଚା ବିଶେଷଜ୍ଞଙ୍କ ମତରେ, ଡର୍ମା ହ୍ୟାକିଙ୍ଗ୍ ଏମିତି ଏକ ପ୍ରକ୍ରିୟା ଯାହା ସାବଧାନତାର ସହିତ କରାଯିବା ଉଚିତ୍ । ଏହା ନିଶ୍ଚିତ ଭାବେ ପ୍ରଭାବଶାଳୀ ଫଳ ଦେଇଥାଏ । କିନ୍ତୁ ପ୍ରଶିକ୍ଷିତ ଚିକିତ୍ସକମାନଙ୍କ ଦ୍ୱାରା କରାଯିବା ଦରକାର । ନଚେତ୍ ଏହା ତ୍ୱଚାକୁ ଖରାପ କରିବାର ଭୟ ରହିଛି । ପ୍ରଶିକ୍ଷିତ ତ୍ୱଚା ବିଶେଷଜ୍ଞ କିମ୍ବା ଲାଇସେନ୍ସପ୍ରାପ୍ତ ଡର୍ମାଟୋଲୋଜିଷ୍ଟ୍ଙ୍କ ଦ୍ୱାରା କରାଯାଉଥିବା ଡର୍ମା ହ୍ୟାକିଙ୍ଗ୍ର ବିଭିନ୍ନ ପ୍ରକ୍ରିୟା ଘରେ ନିଜ ଦ୍ୱାରା କରାଯାଉଥିବା ଉପଚାର ତୁଳନାରେ ଅଧିକ ସୁରକ୍ଷିତ ହୋଇଥାଏ । ବୟସ ବଢିବା ସହିତ ତ୍ୱଚାରେ ଦାଗ ଆସେ ଏବଂ ତ୍ୱଚା ଢିଲା ପଡିଆସେ । କିନ୍ତୁ ଡର୍ମା ହ୍ୟାକିଙ୍ଗ୍ ପ୍ରକ୍ରିୟା ଲେଜର ଟେକ୍ନୋଲୋଜି ମାଧ୍ୟମରେ ଏହି ସମସ୍ୟାରୁ ମୁକ୍ତି ମିଳିଥାଏ ଏବଂ ପୁଣିଥରେ ସୁନ୍ଦର ତ୍ୱଚା ମିଳିପାରେ ।