ପ୍ରମୁଖ ଖବର
  • କେନ୍ଦୁଝର ପାଟଣା ଗଣିତ ପ୍ରଶ୍ନପତ୍ର ଲିକ୍ ଅଭିଯୋଗ, ସୋସିଆଲ ମିଡିଆ​‌ରେ ଭାଇରାଲ
  • ||
  • କପି ଚେକିଂ ଆଳରେ ଅସଦାଚରଣ ଅଭିଯୋଗ, ଥାନାରେ ମାଟ୍ରିକ ପରୀକ୍ଷାର୍ଥୀ
  • ||
  • ଲୋକସେବା ଭବନ ଘେରିବ କଂଗ୍ରେସ, ବିଶାଳ ଶୋଭାଯାତ୍ରାରେ ସାମିଲ ହେବେ ହଜାର ହଜାର କଂଗ୍ରେସ କର୍ମୀ
  • ||
  • ଆଜି ଓଡ଼ିଶାର ୨୧ ଅମୃତ ଭାରତ ରେଳ ଷ୍ଟେସନର ଶିଳାନ୍ୟାସ କରିବେ ପ୍ରଧାନମନ୍ତ୍ରୀ
  • ||
  • ଗର୍ଭବତୀଙ୍କ ପେଟକୁ ନର୍ସ ଖୁନ୍ଦା ମାରିଥିବା ଅଭିଯୋଗ, ଚାଲିଗଲା ମା ଓ ଛୁଆଙ୍କ ଜୀବନ
  • ||
  • ଓଡ଼ିଶା ଗଞ୍ଜେଇ ଚକୋଲେଟ୍‌ରେ ଝୁମୁଛି ହାଇଦ୍ରାବାଦ: ବାଲେଶ୍ୱରରେ ତିଆରି, ଦାଦନଙ୍କ ମାଧ୍ୟମରେ ହେଉଛି ଚାଲାଣ
  • ||
  • ଓସ୍ତପୁର ହଳଦିଢ଼ିଅ ନିକଟ ଗଛକୁ ପିଟିଲା ବୋଲେରୋ: ୩ ମୃତ, ୪ ଗୁରୁତର
  • ||
  • ଆଜି ୫-ଟି ଅଧ୍ୟକ୍ଷଙ୍କ ଅନୁଗୁଳ ଗସ୍ତ, ଛାତ୍ରବୃତ୍ତି ପ୍ରମାଣପତ୍ର ବଣ୍ଟନ କାର୍ଯ୍ୟକ୍ରମରେ ଯୋଗଦେବେ
  • ||
  • ରାଜ୍ୟରେ ଆହୁରି ତିନି ଦିନ ବର୍ଷା: ଉପକୂଳରେ ଅଧିକ ବର୍ଷିବା ସମ୍ଭାବନା, ୨୮ ଯାଏ କୋହଲା ପାଗ
  • ||

କଂଗ୍ରେସ ହାତମୁଠାକୁ ଆସିବ ତେଲଙ୍ଗାନା ! ମୁଖ୍ୟମନ୍ତ୍ରୀ ଦାବିଦାର୍ ରେୱନ୍ତ ରେଡ୍ଡୀ କିଏ ?

ହାଇଦ୍ରାବାଦ, ୦୩/୧୨: ତେଲଙ୍ଗାନା ବିଧାନସଭା ଭୋଟ୍ ଗଣତି ଜାରି ରହିଛି । ୧୧୯ ଆସନ ବିଧାନସଭା ଆସନ ବିଶିଷ୍ଟ ତେଲଙ୍ଗାନାରେ ଦିନ ଗୋଟାଏ ସୁଦ୍ଧା ୬୨ ଆସନରେ କଂଗ୍ରେସ, ୪୨ ଆସନରେ ବିଆରଏସ୍, ୯ ଆସନରେ ବିଜେପି, ୪ ଆସନରେ ଏଆଇଏମ୍ଆଇଏମ୍ ଓ ଗୋଟିଏ ଆସନରେ ସିପିଆଇ ପ୍ରାର୍ଥୀ ଆଗୁଆ ରହିଛନ୍ତି ।

ବର୍ତ୍ତମାନର ଟ୍ରେଣ୍ଡ ଅନୁସାରେ, କେସିଆରଙ୍କ ବିଆରଏସ ହାତରୁ ତେଲଙ୍ଗାନା ଖସିବାକୁ ଯାଉଛି । ଯଦି ଟ୍ରେଣ୍ଡ ରେଜଲ୍ଟରେ ପରିଣତ ହୁଏ ତାହେଲେ ତେଲଙ୍ଗାନାରେ କଂଗ୍ରେସ ସରକାର ଗଢ଼ିବ । ୧୧୯ ବିଧାନସଭା ଆସନ ବିଶିଷ୍ଟ ତେଲଙ୍ଗାନାରେ ସରକାର ଗଢ଼ିବା ଲାଗି ବହୁମତ ହେଉଛି ୬୦ । ବିଆରଏସକୁ କଡ଼ା ଟକ୍କର ଦେଉଥିବା କଂଗ୍ରେସ କ୍ଷମତାକୁ ଆସିଲେ କିଏ ମୁଖ୍ୟମନ୍ତ୍ରୀ ହୋଇପାରନ୍ତି ଆସନ୍ତୁ ନଜର ପକାଇବା…

ତେଲେଙ୍ଗାନାରେ କିଏ ? କଂଗ୍ରେସ ନା ବିଆରଏସ ? ବହୁତ ପଛରେ ପଡିଛି ବିଜେପି…

ଏ ରେୱନ୍ତ ରେଡ୍ଡୀ

ତେଲଙ୍ଗାନା କଂଗ୍ରେସର ରାଜ୍ୟ ସଭାପତି ହେଉଛନ୍ତି ଏ ରେୱନ୍ତ ରେଡ୍ଡୀ । ସେ ମୁଖ୍ୟମନ୍ତ୍ରୀ ପଦ ପାଇଁ ସବୁଠୁ ଅଧିକ ଦାବିଦାର । ୧୯୬୯ରେ ଅବିଭକ୍ତ ଆନ୍ଧ୍ରପ୍ରଦେଶର ମହବୁବନଗର ଜିଲ୍ଲାରେ ଜନ୍ମ ହୋଇଥିଲେ ରେୱନ୍ତ । ଛାତ୍ର ଜୀବନରୁ ରେୱନ୍ତ ରାଜନୀତିକୁ ଆସିଥିଲେ । ଉସମାନିଆ ବିଶ୍ୱବିଦ୍ୟାଳୟରେ ସ୍ନାତକ ବେଳେ ଏବିଭିପିରେ ଯୋଗ ଦେଇଥିଲେ । ପରେ ଚନ୍ଦ୍ରବାବୁ ନାଇଡୁଙ୍କ ଟିଡିପିରେ ସାମିଲ୍ ହୋଇଥିଲେ । ୨୦୦୯ରେ ଟିଡିପି ଟିକେଟରେ କୋଣ୍ଡାଗଲ ଆସନରୁ ବିଧାନସଭା ନିର୍ବାଚନ ଲଢ଼ି ଜିତିଥିଲେ । ୨୦୧୪ରେ ତାଙ୍କୁ ଟିଡିପି ଗୃହର ନେତା କରିଥିଲା । ୨୦୧୭ରେ ଟିଡିପି ଛାଡ଼ି କଂଗ୍ରେସ ହାତ ଧରିଥିଲେ ସେ । ୨୦୧୮ରେ କୋଣ୍ଡାଗଲ ଆସନରୁ କଂଗ୍ରେସ ଟିକେଟରେ ଲଢ଼ି ହାରି ଯାଇଥିଲେ । ୨୦୧୯ ଲୋକସଭା ନିର୍ବାଚନରେ ମଲକାଜାଗିରି ଆସନରୁ ଲଢ଼ି ୧୦ ହଜାର ଭୋଟରେ ବିଜୟୀ ହୋଇଥିଲେ ।

୩ ରାଜ୍ୟରେ ବିଜେପିର ଉତ୍ସାହଜନକ ପ୍ରଦର୍ଶନ, ସନ୍ଧ୍ୟାରେ ଦଳୀୟ କାର୍ଯ୍ୟକର୍ତ୍ତାଙ୍କୁ ସମ୍ବୋଧିତ କରିବେ ପିଏମ୍ ମୋଦି

ଏନ୍. ଉତ୍ତମ କୁମାର ରେଡ୍ଡୀ

ଏହା ଛଡ଼ା ଏନ୍. ଉତ୍ତମ କୁମାର ରେଡ୍ଡୀଙ୍କୁ ନେଇ ତେଲଙ୍ଗାନା କଂଗ୍ରେସରେ ଚର୍ଚ୍ଚା ହେଉଛି । ୧୯୯୯ରେ କୋଡ଼ାଦ ଆସନରୁ ଉତ୍ତମ ବିଜୟୀ ହୋଇଥିଲେ । ୨୦୦୪ରେ ବି ଜିତିଥିଲେ । ୨୦୦୯ରେ ଆସନ ବଦଳିବା ପରେ ଲୋକପ୍ରିୟତା କମି ନଥିଲା ପୁଣି ବାଜି ମାରିଥିଲେ । ୨୦୧୪ରେ ବି ହୁଜୁରନଗର ଆସନରୁ ବିଜୟୀ ହୋଇ ମନ୍ତ୍ରୀ ହୋଇଥିଲେ ।

ଏହି ୨ ନେତାଙ୍କୁ ବାଦ୍ ଦେଲେ କେ. ଜନା ରେଡ୍ଡୀ, କୋମାଟି ରେଡ୍ଡୀ, ମଲ୍ଲୁ ଭଟ୍ଟି ବିକ୍ରମାର୍କ, ଟି ଜୀବନ ରେଡ୍ଡୀ, ରେଣୁକା ଚୌଧରୀ ଓ ଦାମୋଦର ରାଜନରସିହ୍ନାଙ୍କ ନାଁ ମୁଖ୍ୟମନ୍ତ୍ରୀ ଦାବିଦାର୍ ଭାବେ ଚର୍ଚ୍ଚା ହେଉଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.