ବାସୁଦେବପୁର, ୦୯/୧୨ : ଜଣଙ୍କ ନାମରେ ଏକାଧିକ ସିମ୍ କରି ବିକ୍ରି ଅପରାଧରେ ଯୁବକ ଗିରଫ। ଯୁବକ ଜଣଙ୍କ ହେଉଛନ୍ତି ବାସୁଦେବପୁର ବ୍ଲକର ଭାଗପୁର ଅଞ୍ଚଳର ବିଦ୍ୟାଧର ସାହୁ। ପୋଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି।
ସୂଚନାନୁଯାୟୀ, ଭାଗପୁର ଠାରେ ବିଦ୍ୟାଧରଙ୍କର ଏକ ଇଲେକ୍ଟ୍ରୋନିକ ଦୋକାନ ରହିଛି। ପୂର୍ବରୁ ଭୋଡାଫୋନ କମ୍ପାନୀର ତାଙ୍କର ଏକ ହୋଲସେଲ ଦୋକାନ ରହିଥିଲା । ସେତେବେଳେ ସେ ଜଣକ ନାମରେ ଏକାଧିକ ସିମ୍ କାଢି ବିକ୍ରି କରିଥିଲେ। ଏ ବିଷୟରେ ପୋଲିସ ପାଖରେ ଖବର ପହଞ୍ଚିବା ପରେ ରାଧାକାନ୍ତ ଇଲେକ୍ଟ୍ରୋନିକ ଦୋକାନରେ ଚଢ଼ାଉ କରିଥିଲା। ଚଢ଼ାଉରେ ଦୋକାନ ଭିତରୁ ବିଭିନ୍ନ ବ୍ୟକ୍ତିଙ୍କର ଶତାଧିକ ଫଟୋ ଜବତ କରିବା ସହ ମାଲିକ ବିଦ୍ୟାଧର ସାହୁଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ପୋଲିସ ।