ଖୁଣ୍ଟା, ୦୭/୧୧ : ମୟୂରଭଞ୍ଜ ଜିଲ୍ଲା ଶିମିଳିପାଳ ଅଭୟାରଣ୍ୟରୁ ଏକ ସମ୍ବର ପଳାଇ ଆସି ପାଦଦେଶ ଗ୍ରାମର ଜଣେ ବ୍ୟକ୍ତିଙ୍କ ଘରେ ପଶି ଯାଇଥିଲା। ସମ୍ଵରକୁ ଆହତ ଅବସ୍ଥାରେ ବନବିଭାଗ ଉଦ୍ଧାର କରିଛି। 

ସୂଚନାନୁଯାୟୀ, ମଙ୍ଗଳବାର ସକାଳେ ଡୁକୁରା ବନ୍ୟପ୍ରାଣୀ ବନାଞ୍ଚଳ ତଥା ଖୁଣ୍ଟା ଥାନା ଅନ୍ତର୍ଗତ ଲକ୍ଷ୍ମଣାସାହି ପଞ୍ଚାୟତ ଅଧୀନ କୁସୁଗୋଡିଆ ଗ୍ରାମରେ ଏକ ସମ୍ଵରକୁ ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ସମ୍ବରଟି ଲୋକମାନଙ୍କୁ ଦେଖି ଭୟଭୀତ ହୋଇ ସୁନାରାମ ମୁର୍ମୁଙ୍କ ଘର ଭିତରକୁ ପଶି ଯାଇଥିଲା। ଖବର ପାଇ (ଏସ୍ ଟି ଆର୍) ଏସିଏଫ୍ ପ୍ରଦୀପ ଦେ, ଡୁକୁରା ଏସଟିଆର୍ ରେଞ୍ଜର ସୁବାସ ସାହୁ, ଡୁକୁରା ଫରେଷ୍ଟର ଖଗେଶ୍ବର ସେଠୀ, ମିନାକ୍ଷୀ ନାଏକଙ୍କ ସମେତ ଅନ୍ୟ କର୍ମଚାରୀ ଓ ବନ୍ୟପ୍ରାଣୀ ଉଦ୍ଧାରକାରୀ ଟିମ୍ ଘଟଣାସ୍ଥଳରେ ପହଞ୍ଚି ବହୁ ଚେଷ୍ଟା ପରେ ସମ୍ବରଟିକୁ ଆହତ ଅବସ୍ଥାରେ ଉଦ୍ଧାର କରିଥିଲା। ଆହାତ ସମ୍ବରକୁ ଏସଟିଆରର ବନ୍ୟପ୍ରାଣୀ ଡ଼ାକ୍ତରଙ୍କ ଦ୍ଵାରା ଚିକିତ୍ସା ଚାଲିଥିବା ବେଳେ ରିପୋର୍ଟ ଲେଖା ହେବା ପର୍ଯ୍ୟନ୍ତ ଶିମିଳିପାଳ ଅଭୟାରଣ୍ୟରେ ସମ୍ବରକୁ ଛଡ଼ା ଯାଇନଥିବା ଜଣାପଡିଛି।