ଆନନ୍ଦପୁର, ୨୫।୩: ଆନନ୍ଦପୁର ଉପଖଣ୍ଡ ଛେନାପଦି ଛକଠାରେ ଅଗ୍ନିକାଣ୍ଡ । ଦେବେନ୍ଦ୍ର ଜେନାଙ୍କ ଧବଳେଶ୍ଵର ମେଡିସିନ ଷ୍ଟୋର ଘରର ଉପର ମହଲାରେ ରହୁଥିବା ଫାର୍ମାସିଷ୍ଟ ମୃତ୍ୟୁଞ୍ଜୟ ସାମଲଙ୍କ ଘରେ ବିଦ୍ୟୁତ ସର୍ଟ ସର୍କିଟିରୁ ଏହି ଅଗ୍ନିକାଣ୍ଡ ଘଟିଥିବା ଜଣାପଡ଼ିଛି । ଘର ଭିତରେ ଥିବା ଫ୍ରିଜ୍, ଟିଭି ଆଦି ଜଳିଯାଇଛି । ମୃତ୍ୟୁଞ୍ଜୟ ସାମଲଙ୍କ ପରିବାର ଲୋକେ ଘରେ ନଥିବା ବେଳେ ହଠାତ୍ ଅଗ୍ନିକାଣ୍ଡ ଘଟି ବାହାରକୁ ଧୂଆଁ ବାହାରିବାରୁ ଲୋକେ ଅଗ୍ନିକାଣ୍ଡ ସମ୍ପର୍କରେ ଜାଣିଥିଲେ । ସ୍ଥାନୀୟ ଲୋକମାନେ କବାଟ ଭାଙ୍ଗି ନିଆଁକୁ ଆୟତ୍ତ କରିଥିବା ବେଳେ ହାଟଡିହି ଅଗ୍ନିଶମ ବାହିନୀ ପହଞ୍ଚି ଘଣ୍ଟାଏ ଅକ୍ଲାନ୍ତ ପରିଶ୍ରମ କରିବା ପରେ ନିଆଁ ଲିଭାଇବାରେ ସଫଳ ହୋଇଥିଲେ ।
