ମାଲକାନଗିରି/ଚିତ୍ରକୋଣ୍ଡା, ୧୦/୯(ଆପ୍ର ) : ଗୁରୁପ୍ରିୟା ନଦୀରେ ଜାଲ ପକାଇ ମାଛ ଧରୁଥିବା ବେଳେ ଡ଼ଙ୍ଗା ରୁ ଖସି ପଡି ଜଣେ ନିଖୋଜ ହୋଇଛି। ନିଖୋଜ ବ୍ୟକ୍ତି ଜଣକ ହେଲେ ସିଲିଗୁମା ଗ୍ରାମର ପର୍ଶୁରାମ ଗଲରୀ ।

 ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବଡ଼ପଡା ପଞ୍ଚାୟତ ସିଲିଗୁମା ଗ୍ରାମର ପର୍ଶୁରାମ ଗଲରୀ ନିଜ ସ୍ତ୍ରୀ ଚମ୍ପା ଗଲରୀ  ଓ ଶଶ୍ୱରଙ୍କ ସହିତ ଗୋଟିଏ ହୁଲି ଡ଼ଙ୍ଗାରେ ମାଛ ଧରୁଥିଲେ।  ନଦୀରେ ଜାଲ ପକାଉଥିବା ବେଳେ ଡ଼ଙ୍ଗାଟି ହଲି ଯିବାରୁ ଭାରସାମ୍ୟ ହରାଇ ନଦୀରେ ଜାଲ ସହିତ  ପର୍ଶୁରାମ ଖସିପଡ଼ିଥିଲେ । ସେ ପାଣି ସ୍ରୋତରେ ଭାସି ଯାଇଥିବା ବେଳେ ମାଛ ଧରାରେ ତାଙ୍କୁ ସାହାଯ୍ୟ କରିବାକୁ ଯାଇଥିବା ତାଙ୍କ ସ୍ତ୍ରୀ ଓ ଶ୍ୱଶୁର ଅଳ୍ପକେ ବର୍ତ୍ତି ଯାଇଛନ୍ତି । ବର୍ଷା ଲାଗି ରହିଥିବାରୁ ନଦୀ ଓ ଜଳଭଣ୍ଡାରରେ ଅଧିକ ପାଣି ହୋଇଛି।ରାତ୍ର ହୋଇ ଯାଇ ଥିବାରୁ ଖୋଜା ହୋଇ ପାରି ନାହିଁ ।  ବୁଧବାର ଦମକଳ ବାହିନୀ ପହଞ୍ଚିବା ପରେ ଖୋଜାଜିବ ବୋଲି ଜଣାପଡିଛି।