ପ୍ରମୂଖ ଖବର
  • କାଲିମେଳା: ଲଗାଣ ବର୍ଷାରେ ବେହାଲ ଜନଜୀବନ, ପାହାଡ ଧସିବାରୁ ରାସ୍ତା ବନ୍ଦ
  • ||
  • ସପ୍ତଦଶ ବିଧାନସଭାର ବଜେଟ୍ ଅଧିବେଶ ଆରମ୍ଭ, ପ୍ରଥମ ଦିନରେ ଅଭିଭାଷଣ ରଖିଲେ ରାଜ୍ୟପାଳ ରଘୁବର ଦାସ
  • ||
  • ଯାଜପୁର : ଭାରସାମ୍ୟ ହରାଇ ଓଲଟିଲା ​କାଉଡିଆଙ୍କୁ ନେଇ ଯାଉଥିବା ବସ୍, ୫ରୁ ଉର୍ଦ୍ଧ୍ଵ ଆହତ
  • ||

ନୂଆ ଆପାର୍ଟମେଣ୍ଟ କିଣିଲେ ଆମୀର ଖାନ,ଜାଣନ୍ତୁ କେତେ ଅଭିନେତାଙ୍କ ସମ୍ପତି

ମୁ୍ମ୍ବାଇ,୩୦/୬:ନିକଟରେ ଆମୀର ଖାନ ମୁମ୍ବାଇର ବାନ୍ଦ୍ରା ଠାରେ ଏକ ଆବାସିକ ସମ୍ପତ୍ତି କିଣିଛନ୍ତି, ଯାହାର ଆକାର ପ୍ରାୟ ୧,୦୨୭ବର୍ଗଫୁଟ ରହିଛି। ଏହି ସମ୍ପତ୍ତି ବେଲା ଭିଷ୍ଟା ଆପାର୍ଟମେଣ୍ଟରେ ଅବସ୍ଥିତ। ବାନ୍ଦ୍ରାର ଏକ ସମୃଦ୍ଧ ଆବାସିକ କ୍ଷେତ୍ର ପାଲି ହିଲରେ ଏହା ଏକ ଉଚ୍ଚସ୍ତରୀୟ ଆବାସିକ ଟାୱାର ଅଟେ।

ପାଲି ହିଲରେ ତାଙ୍କ ନୂତନ ସମ୍ପତ୍ତି ପାଇଁ କେତେ ଟଙ୍କା ଖର୍ଚ୍ଚ କରିଛନ୍ତି ଆମୀର –

ସ୍କୋୟାର ୟାର୍ଡସ ଡଟ୍ କମ୍ ଅନୁଯାୟୀ, ଆମୀର ଖାନଙ୍କର ସମ୍ପତ୍ତି ମୂଲ୍ୟ  ୧,୮୬୨ କୋଟି ଟଙ୍କା । ସେ ପାଲି ହିଲରେ ୯.୭୫କୋଟିର ସମ୍ପତ୍ତି କିଣିଛନ୍ତି। ଟ୍ରାନ୍ସଫର ଚୁକ୍ତି ୨୫ ଜୁନ୍ ୨୦୨୪ ରେ ଚୂଡାନ୍ତ ହୋଇଥିଲା ଏବଂ ଅଭିନେତା ମଧ୍ୟ ୫୮.୫ ଲକ୍ଷ ଟଙ୍କା ଷ୍ଟାମ୍ପ ଡ୍ୟୁଟି ମଧ୍ୟ ପ୍ରଦାନ କରିଥିଲେ। ଇଣ୍ଡିଆନ୍ ଏକ୍ସପ୍ରେସ ଅନୁଯାୟୀ, ବେଲା ବିଷ୍ଟା ଆପାର୍ଟମେଣ୍ଟରେ ଖାନ ୨୪ ଟି ୟୁନିଟ୍ ମଧ୍ୟରୁ ୯ଟିର ମାଲିକ ହୋଇସାରିଛନ୍ତି। ପଡୋଶୀ ମରିନା ଆପାର୍ଟମେଣ୍ଟରେ ମଧ୍ୟ ତାଙ୍କର ଅନେକ ୟୁନିଟ୍  ରହିଛି । ଉଭୟ ବିଲ୍ଡିଂକୁ ପୁନର୍ବିକାଶ ପାଇଁ ଯୋଜନା କରାଯାଇଛି ।

ଆମୀର ଖାନଙ୍କ ରିଏଲ୍ ଇଷ୍ଟେଟ୍ ପୋର୍ଟଫୋଲିଓ -

ନିକଟରେ ଆମୀର ଖାନଙ୍କ କିଣିଥିବା ସମ୍ପତ୍ତି ତାଙ୍କ ପ୍ରଭାବଶାଳୀ ରିଏଲ୍ ଇଷ୍ଟେଟ୍ ପୋର୍ଟଫୋଲିଓରେ ଯୋଗ କରାଯାଇଛି। ଉପରୋକ୍ତ ସମ୍ପତ୍ତି ବ୍ୟତୀତ ଅଭିନେତା ମୁମ୍ବାଇର କାର୍ଟର ରୋଡରେ ଏକ ଆପାର୍ଟମେଣ୍ଟ, ପଞ୍ଚଗନିରେ ଏକ ଫାର୍ମହାଉସ୍ ଏବଂ ଉତ୍ତରପ୍ରଦେଶର ଅନେକ ସମ୍ପତ୍ତିର ମାଲିକ ଅଟନ୍ତି । ଡିଏନ୍ଏ ଇଣ୍ଡିଆ ଅନୁଯାୟୀ, ଖାନ ଆମେରିକାର ଲସ ଏଞ୍ଜେଲସରେ ଏକ ବିଳାସପୂର୍ଣ୍ଣ ମହଲର ମାଲିକ ଅଟନ୍ତି, ଯାହାକୁ ସେ ୭୫କୋଟି ଟଙ୍କାରେ କିଣିଥିଲେ ।

ଆମୀର ଖାନଙ୍କ ଓ୍ବାର୍କଫ୍ରଣ୍ଟ କଥା କହିବାକୁ ଗଲେ ତାଙ୍କୁ ଶେଷ ଥର ପାଇଁ ଲାଲ ସିଂ ଚଡ୍ଡା ଫିଲ୍ମରେ ଦେଖିବାକୁ ମିଳିଥିଲା। ଏହା ବକ୍ସ ଅଫିସରେ ଭଲ ପ୍ରଦର୍ଶନ କରିନଥିଲା। ସେ କାଜୋଲ ବିପକ୍ଷରେ ସଲାମ ଭେଙ୍କିରେ ମଧ୍ୟ ଏକ ବିଶେଷ ଭୂମିକା ଗ୍ରହଣ କରିଥିଲେ। ଅଭିନୟରୁ କିଛି ସମୟ ବିରତି ପରେ, ଖାନ ଜେନେଲିଆ ଦେଶମୁଖ ଏବଂ  ଦାର୍ଶେଲ ସଫାରିଙ୍କ ସହ ସୀତାରା ଜମିନ୍ ପର୍ ରେ ନଜର ଆସିବେ। ଆର.ଏସ୍ ପ୍ରସନ୍ନଙ୍କ ନିର୍ଦ୍ଦେଶିତ ଏହି ଫିଲ୍ମ 2025 ଖ୍ରୀଷ୍ଟମାସରେ ମୁକ୍ତିଲାଭ କରିବ । 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.