ନୂଆଦିଲ୍ଲୀ,୨୧/୩ : ମହାନାୟକ ଅମିତାଭ ବଚ୍ଚନଙ୍କ ପୁଅ ଏବଂ ଅଭିନେତା ଅଭିଷେକ ବଚ୍ଚନଙ୍କୁ ଶେଷ ଥର ଗତବର୍ଷ ରିଲିଜ ହୋଇଥିବା ଆର.ବାଲ୍କୀଙ୍କ ନିର୍ଦେଶନାରେ ନିର୍ମିତ ଫିଲ୍ମ‘ଘୁମର’ରେ ଦେଖାଯାଇଥିଲେ । ଯେଉଁଥିରେ ଅଭିନେତା ଏକ କ୍ରିକେଟର କୋଚର ଭୂମିକା ନିଭାଇଥିଲେ । ଯିଏ ଏକ ଏଭଳି ଯୁବତୀଙ୍କୁ କ୍ରିକେଟର ଟ୍ରେନିଂ ଦେଉଥିଲେ, ଯିଏ ଏକ ଦୁର୍ଘଟଣାରେ ନିଜର ଏକ ହାତ ନଷ୍ଟ କରିଦେଇଥିଲେ ।
ମାତ୍ର ଫିଲ୍ମ ବକ୍ସ ଅଫିସରେ କିଛି ଖାସ୍ କମାଲ କରିପାରିଲା ନାହିଁ । କିନ୍ତୁ ଫିଲ୍ମରେ ତାଙ୍କ ଭୂମିକାକୁ କ୍ରିଟିକ୍ସ ଖୁବ୍ ପ୍ରଶଂସା କରିଥିଲେ । ସେହିଭଳି ଏବେ ଅଭିଷେକ ବଚ୍ଚନ ଫୁଣି ଥିରେ ଏକ ନୂଆ ବଡ଼ ପ୍ରୋଜେକ୍ଟରେ ନଜର ଆସିବାରେ ଅଛନ୍ତି । ଯେଉଁଥିପାଇଁ ସେ ‘ୟହାଁ’, ପିଙ୍କ, ପିକୁ, ବିକ୍କୀ ଡୋନର, ଅକ୍ଟୁବର, ମଦ୍ରାସ କ୍ୟାଫେ, ଏବଂ ନ୍ୟାଶନାଲ ଫିଲ୍ମ ଆଓ୍ବାର୍ଡ୍ସ ଜିତିଥିବା ‘ସରଦାର ଉଧମ ସିଂହ’ ଭଳି ଫିଲ୍ମ ଦର୍ଶକଙ୍କୁ ଦେଇଥିବା ନିର୍ଦେଶକ ଶୁଜିତ ସରକାରଙ୍କ ସହ ହାଥ ମିଳାଇଛନ୍ତି ।
ନିକଟରେ ତାଙ୍କର ପ୍ରଥମ ପ୍ରଡକ୍ସନ ହାଉସ ‘ରାଇଜିଂ ସନ ଫିଲ୍ମ୍ସ’ ନିଜ ଇନଷ୍ଟାଗ୍ରାମରେ ତାଙ୍କର ଆଗାମୀ ପ୍ରୋଜେକ୍ଟର କିଛି ଝଲକ ସେୟାର କରିଛନ୍ତି । ଯାହା ଫ୍ୟାନ୍ସଙ୍କ ଉତ୍ସୁକତା ବଢାଇ ଦେଇଛି । ସେହିଭଳି ଏହି ଭିଡ଼ିଓକୁ ସେୟାର କରି କ୍ୟାପଶନରେ ଏକ ଲମ୍ବା ନୋଟ୍ ବି ଲେଖାଯାଇଛି । ଯେଉଁଥିରେ ଲେଖା ହୋଇଛି କି ଶୁଜିତ ସରକାରଙ୍କ ଆଗାମୀ ପ୍ରୋଜେକ୍ଟ ‘ସେଲିବ୍ରେଶନ ଅଫ ଲାଇଫ’ର ଏକ ହୃଦୟକୁ ଛୁଇଁବା ଭଳି କାହାଣୀ ଅଟେ । ଏହା ଏକ ଇମୋଶନାଲ ଜର୍ଣ୍ଣି ଅଟେ । ଏକ ଏଣ୍ଟରଟେନିଂ କାହାଣୀ ସହ ଏହା ଏକ ବାପା ଏବଂ ଝିଅ ମଧ୍ୟରେ ଭଲ ସମ୍ପର୍କକୁ ପୁଣି ଥରେ ଉଠାଇବାର ଏକ କାହାଣୀ ଅଟେ , ଯେଉଁଥିରେ ସେ ଜୀବନର ଚ୍ୟାଲେଞ୍ଜ ସହ ଗତି କରୁଛନ୍ତି ।
